MOP Aprezenta Dadus Identifikasaun Infraestrutura Ne'ebé Hetan Estragus Husi Inundasaun Ba Konsellu Ministru

MOP Aprezenta Dadus Identifikasaun Infraestrutura Ne'ebé Hetan Estragus Husi Inundasaun Ba Konsellu Ministru

DILI, 29 ABRIL 2021: S. Exa, Ministru Obras Públikas. Arq. Salvador Eugénio Soares Dos Reis Pires, Kinta-feira ne'e partisipa iha reuniaun Konsellu Ministru ne'ebé lidera husi S. Exa, Primeiru Ministru (PM), Sr. Taur Matan Ruak, iha Palásiu Governu, Dili.

Iha reuniaun Konsellu Ministru ne'e asiste ona aprezentasaun ida husi pontu situasaun epidemiolójika país nian, husi Sala Situasaun Sentru Integradu Jestaun Krize. Hahú kedas inísiu pandemia deteta ona ema hamutuk 2124 ne’ebé infetada ho Coronavírus foun. Iha kazu Deteta sira iha munisípiu sira hotu iha país, maibé Dili maka Munisípiu ida ne’ebé infetadu liu, iha ne’ebé 1794 infetadu maka rejista ona, no konsidera eziste klasifikasaun transmisaun komunitária. Oras ne’e daudaun iha kazu ativu hamutuk 1014 no rejista ona kazu moderadu 21 no na’in rua grave ho COVID-19. Taxa insidénsia iha Munisípiu Dili oras ne’e daudaun maka 27,3 husi abitante rihun 100.

Konsellu Ministru aprova ona projetu Dekretu Governu nian, ne’ebé aprezenta husi S. Exa, Primeiru Ministru, Sr. Taur Matan Ruak, kona-ba medida ezekusaun ba Deklarasaun Estadu Emerjénsia, ne’ebé efetua husi Dekretu Prezidente Repúblika nu. 24/2021, loron 28 fulan-abril, hodi hatán ba pandemia COVID-19. Estadu emerjénsia, ne’ebé renova daudaun ne’e abranje teritóriu nasionál tomak no vigora entre tuku 00:00 loron 3 fulan-maiu no tuku 23:59 loron 1 fulan-juñu tinan 2021. Medida sira ne’ebé impoin iha diploma ne’e maka hanesan ho regra ezekusaun sira anteriór Deklarasaun Estadu Emerjénsia nian. Destaka de’it katak oras ne’e estabelese katak ema sira hotu ne’ebé ho sertifikasaun vasinasaun kompleta kontra COVID-19 la presiza hala’o izolamentu profilátiku obrigatóriu bainhira tama iha teritóriu nasionál mai-husi rai-li’ur.

Regra sira-seluk mantein nafatin liuliu obriga sidadaun sira hotu ne’ebé hela iha Timor-Leste atu mantein distánsia pelumenus metru ida ho ema seluk ne’ebé la hela iha ekonomia komun. Kontinua obriga atu utiliza máskara oin nian ne’ebé taka inus no ibun bainhira hakarak tama ka hela iha fatin públiku ka privadu hirak ne’ebé ema hotu uza; no fase liman bainhira hakarak tama ba estabelesimentu komersiál sira, industriál ka prestasaun servisu nian ka ba edifísiu sira iha ne’ebé servisu administrasaun públika nian funsiona. Iha obrigasaun mós atu evita formasaun halibur-malu, iha dalan públiku.

Aprova mós projetu Rezolusaun Governu nian ba renovasaun ba impozisaun serka sanitária iha munisípiu Ainaru, Baukau, Dili, Ermera, Kovalima no Vikeke, ba loron 14 tan, to’o tuku 23:59 husi loron 16 fulan-maiu tinan 2021. Aprova mós impozisaun serka sanitária iha munisípiu Lautém, Likisá, Manufahi, entre tuku 00:00 iha loron 30 fulan-abril tinan 2021 no tuku 23:59 loron 16 fulan-maiu tinan 2021. Nune’e, bandu sirkulasaun ema nian entre munisípiu ne’e ho sirkunskrisaun administrativa sira-seluk, exetu iha kazu sira ho fundamentu forte tanba razaun seguransa públika, saúde públika, asisténsia umanitária, manutensaun husi sistema abastesimentu públiku, ka razaun seluk ne’ebé presiza atu hala’o ba interese públiku nian.

Konsellu Ministru aprova ho alterasaun projetu Rezolusaun Governu nian ba impozisaun konfinamentu domisiliáriu jerál ba ema sira hotu ne’ebé mak hela ka oras ne’e daudaun iha hela Munisípiu Dili, ne’ebé tenke hela iha sira nia uma ka iha sira nia alojamentu temporáriu, tuku 00:00 loron 30 fulan-abril tinan 2021 no tuku 23:59 loron 13 fulan-maiu tinan 2021

Exesionalmente, ema sira bele sai husi iha sira-nia hela fatin ka husi sira nia alojamentu temporáriu iha Munisípiu Dili, bainhira tenke ba ospitál atu konsulta ba médiku no atu hetan ai-moruk; atu akompaña membru família ka ema ne’ebé nia maka tau matan hodi hetan asisténsia iha ospitál, médiku no ka atu hetan ai-moruk, atu fó asisténsia ba ema seluk ne’ebé presiza ho razaun saúde nian, protesaun sosiál ka asisténsia umanitária; atu aprezenta keixa ka denúnsia iha Ministériu Públiku, iha Provedoria Direitus Umanus no Justisa nian ka iha kualkér órgaun polísia kriminál; atu komparese iha dilijénsia judisiál ka polisiál sira iha ne’ebé simu notifikasaun; atu sosa ai-han, refeisaun, sasán ba primeira nesesidade ka kombustivel; atu selu servisu eletrisidade, telekomunikasaun ka asesu ba internet nian; atu hetan asesu ba servisu finanseiru; atu halo atividade profisionál, bainhira superiór ierárkiku la fó dispensa, iha kazu funsionáriu, ajente ka traballadór administrasaun públika nian, ka bainhira entidade empregadora rasik la fó dispensa, iha kazu traballadór iha setór privadu ekonomia nian; atu partisipa iha funerál sira, tuir regra ne’ebé prevee iha Rezolusaun Governu nian ne’e no atu rekere autorizasaun atu sai husi munisípiu Dili.

Dezlokasaun hirak ne’e bele hala’o de’it durante tempu ne’ebé presiza tebes atu konkretiza objetivu dezlokasaun ne’e nian, no bainhira akontese tanba razaun serbisu, ema tenke lori dokumentu ne’ebé hatudu sira nia obrigasaun atu ba no hela iha serbisu fatin.

Bandu atu transporte públiku sira hala’o movimentu iha área sira hotu iha Munisípiu Dili, liuliu, mikrolets, biskota, taksi sira no anguna sira.

Estabelesimentu komersiál, industriál, artezanál no prestasaun servisu setór privadu ekonomia nian sira hotu ne’ebé dezenvolve atividade iha Munisípiu Dili, tenke taka ba públiku, exetu estabelesimentu komersiál sira ne’ebé fa’an ai-han, bee no sasán esensiál seluk, liuliu supermerkadu, minimerkadu no kiós sira; estabelesimentu sira ne’ebé presta kuidadu médiku no fa’an ai-moruk; estabelesimentu sira ne’ebé presta servisu protesaun sosiál; farmásia sira; postu sira ba revenda kombustivel ka gás nian; estabelesimentu komersiál iha ne’ebé hala’o pagamentu ba fornesimentu enerjia elétrika, asesu ba internet ka telekomunikasoins; órgaun komunikasaun sosiál; estabelesimentu oteleiru no sira ne’ebé hanesan, tuir regra ne’ebé estabelese iha Rezolusaun Governu ne’e nian; restaurante, warung sira no sira ne’ebé hanesan, tuir regra ne’ebé estabelese iha Rezolusaun Governu ne’e nian; instituisaun finanseira, liuliu banku no entidade sira ne’ebé iha lisensa atu hala’o transferénsia internasionál osan nian; empreza konstrusaun sivíl ka atividade sira ne’ebé liga ho konstrusaun sivíl ka estabelesimentu komersiál sira ne’ebé fa’an materia konstrusaun sira; empreza sira ne’ebé presta servisu tékniku manutensaun, reparasaun ka funsionamentu ba sentrál sira produsaun enerjia elétrika nian ka rede elétrika nasionál; empreza transporte karga nian liuhusi rai, tasi no aéreu nian; estabelesimentu sira ne’ebé fa’an materiál funeráriu ka presta servisu funeráriu nian, tuir regra ne’ebé hatuur iha Rezolusaun Governu ne’e nian; empreza sira ne’ebé presta servisu kontrolu peste nian (Pest Control); empreza sira ne’ebé presta servisu limpeza ba saneamentu no ezgotu sira.

Traballadór no kliente estabelesimentu komersiál no empreza sira ne’e nian, molok atu tama ba estabelesimentu komersiál ka empreza nian sira, tenke fase liman no taka inus ho ibun ho máskara. Durante tempu ne’ebé sira sei hela iha estabelesimentu no empreza nia-laran, sira tenke kontinua uza máskara hodi taka inus ho ibun, mantein distansiamentu sosiál husi pelumenus metru ida ho ema seluk, ho ne’ebé sira la hela hamutuk, iha ekonomia komún no sira tenke fase liman beibeik. Durante tempu ne’ebé sei hein atu tama ba estabelesimentu sira ne’e nian, kliente sira tenke hein iha li’ur, no mantein distánsia pelumenus metru ida ho ema seluk, ho ne’ebé sira la hela hamutuk, iha ekonomia komún.

Estabelesimentu komersiál, industriál, artezanál ka prestasaun servisu nian sira setór privadu ekonomia nian ne’ebé taka ba públiku, bele mantein sira-nia atividade liuhusi servisu entrega ba hela-fatin.

Restaurante sira no empreza sira ne’ebé hanesan bele fornese de’it hahán iha rejime take away (lori ba uma), atu ba han iha uma ka iha lokál alojamentu temporáriu ka liu husi opsaun atu entrega ba uma ka otél. Ema ne’ebé hela iha otél sira tenke han iha nia kuartu rasik.

Atividade ba implementasaun ba programa Cesta Básica autoriza nafatin ho karater exesaun.Merkadu Munisipál Dili nian, Merkadu Manleuana no Merkadu Taibesi, kontinua funsiona hahú husi tuku 6 dadersan to’o tuku 18:00 no operadór no utente ida-idak, molok tama ba merkadu sira ne’e, tenke fase liman no kontinua uza máskara hodi taka inus no ibun, no mós mantein distánsia pelumenus metru ida ho ema seluk, ho ne’ebé sira la hela hamutuk. Bainhira forsa seguransa sira haree katak labele mantein distánsia sosiál pelumenus metru ida entre utente sira, sei impede utente foun sira atu tama ba resintu merkadu to’o númeru utente sira ne’e sufisiente atu kumpre distánsia ne’ebé temi ona.

Vendedór ambulante ba sasán ka servisu ba primeira nesesidade nian, liuliu produtu ai-han, espesialmente modo tahan, no mós komersiante sira ne’ebé hala’o atividade iha merkadu, tenke mantein máskara hodi taka inus no ibun, tenke fase liman beibeik, no mantein distánsia pelumenus metru ida ho vendedór sira seluk no ho kliente sira, no sira mós tenke garante katak ema la halibur malu hamutuk iha fatin ne’ebé sira hala’o sira-nia atividade.

Bandu atu hala’o atividade selebrasaun relijioza ne’ebé implika ezisténsia ema halibur-malu. Ba efeitu Rezolusaun Governu nian ne’e, konsidera nu’udar ema halibur-malu maka ema liu husi na’in rua halibur malu menus husi metru rua entre sira

Bandu atu organiza no hala’o serimónia funerál nian iha ne’ebé ema liu na’in sanulu maka partisipa. Ema ne’ebé partisipa iha serimónia ne’e tenke uza máskara hodi taka inus no ibun, no mantein distánsia pelumenus metru ida ho ema seluk ne’ebé partisipa iha serimónia ne’e.

Autoridade polisiál nian sira fiskaliza kumprimentu ba regra sira ne’ebé hatuur ona iha Rezolusaun Governu nian ne’e no aviza infratór sira katak se sira kontinua nafatin hodi la kumpre ba Rezolusaun ne’e, bele konsidera prátika ba krime dezobediénsia nian ida. Autoridade polisiál sira sei komunika ba Ministériu Públiku identidade husi ema ne’ebé, hafoin avizu ne’ebé prevee iha fraze anteriór, kontinua la respeita regra sira ne’ebé prevee ona iha Rezolusaun Governu ne’e nian. Karik regra sira ne’ebé prevee iha Rezolusaun Governu ne’e nian ema husi rai-li’ur maka la respeita, autoridade polisiál sira sei komunika sira nia identidade ba Servisu Migrasaun.

Konsellu Ministrus aprova ona projetu Rezolusaun Governu nian ba renovasaun deklarasaun estadu kalamidade, ba loron 30 tan, hodi hasoru akontesimentu bee-sa’e no inundasaun iha Munusípiu Dili, iha dadeer rai-hun mutin loron 4 fulan-abríl tinan 2021, ne’ebé provoka husi siklone tropikál Seroja.

S. Exa, Ministra Saúde, Sra. Odete Maria Freitas Belo, aprezenta ona ba Konsellu Ministrus planu mestre ba reabilitasaun no rekonstrusaun ba Ospitál Nasionál Guido Valadares no ba Ospitál António Carvalho, ne’ebé sei realiza ho forma fazeada durante tinan 10, ho objetivu atu hadi’a kondisaun tratamentu no hasa’e kapasidade atendimentu nian.

S. Exa, Ministru Administrasaun Estatál, Sr. Miguel Pereira de Carvalho, iha kualidade Koordenadór ba Unidade Misaun ba Protesaun Sivil no ba Gestaun ba Dezastra Naturál sira, halo aprezentasaun ida kona-ba pontu situasaun husi impaktu sira husi inundasaun iha loron 4 fulan-abril liubá no sira nia asaun rekuperasaun. Daudaun ne’e iha ema 4356 ne’ebé desloka ba sentru akollimentu hitu ne’ebé sei ativu. Iha nivel nasionál afeta ona husi inundasaun ba família ho totál 31, 337 no ema na’in 41 maka mate ka lakon. Ho totál 21 178 abitasaun iha país tomak ne’ebé mak estraga. Ba infraestrutura públika, bee-sa’e provoka estragu iha estrada hamutuk 22 no ponte hamutuk 11. Governu fó hela apoiu ba família afetada ho produtu alimetár no la’os alimentár no halo hela planu atu distribui materia sira ba rekonstrusaun ba abitasaun sira ne’eb’e mak estraga. Analiza mós opsaun realojamentu ba populasaun ne’ebé maka hela iha área proibidas ne’ebé bele hetan iha área inundasaun no área foho lolon sira ho perigozidade média to’o aas.

S. Exa, Ministru Obras públikas, Arq. Salvador Soares dos Reis Pires, aprezenta dadus kona-ba identifikasaun ba infraestrutura no ba ekipamentu públiku koletivu ne’ebé hetan estragus husi inundasaun. Levantamentu dadus klasifikasaun husi obra hala’o hela maibé Informasaun preliminár sira indika ba projetu reabilitasaun estruturál simples 57 ne’ebé iha husi kustu inferiór dolar amerikanu millaun 1 no projetu reabilitasaun estruturál komplexa 44 ho kustu estimadu boot-liu dolar amerikanu millaun 1. Hala’o ona atividade limpeza no normalizasaun no iha projetu oioin ho karáter emerjénsia ne’ebé maka hala’o hela.

Ikusliu, S. Exa, Vise Primeiru Ministru no Ministru Planu no Ordenamentu, Sr. José Maria dos Reis, aprezenta konjuntu medida sira ordenamentu teritóriu ba prevensaun no mitigasaun ba risku sira. Hala’o ona levantamentu dadus kona-ba área risku ne’eb’e lokaliza iha zona inundasaun no área foho lolon sira ho perigozidade média to’o aas. Aprezenta mós nesesidade intervensaun lejislativa iha ámbitu ordenamentu teritóriu, opsaun ba realojamentu temporáriu no definitivu ba populasaun sira no posibilidade fatin ba realojamentu.

#Media_MOP

  

Read More

DJOP Atualiza Identifikasaun Estragus 4 Abril No Informasaun Ba Mop Antes Partisipa Iha KAFI

DJOP Atualiza Identifikasaun Estragus 4 Abril No Informasaun Ba Mop Antes Partisipa Iha KAFI

DILI, 27 ABRIL 2021: Diretór Jerál Obras Públikas (DJOP), Sr. Rui Hernani no Diretór Nasionál Estrada Ponte no Kontrolu Seias (DNEPKS), Sr. João Gama, akompaña husi ekipa tékniku sira atualiza identifikasaun no kuantifikasaun husi estragus inundasaun 4 Abril 2021 ba S. Exa, Ministru Obras Públikas (MOP), Arq. Salvador Eugénio Soares dos Reis Pires, no vise Ministru MOP, Enj. Nicolau Lino Freitas Belo.

Aliende ne’e, atualiza informasaun projetu infraestrutura nian antes vise Ministru MOP, Enj. Nicolau Lino Freitas Belo, akompaña husi diresaun sira aprezenta iha Konsellu Administrasaun Fundu Infraestrutura (KAFI).

Iha enkontru ne’e, Sr. Ministru orienta DJOP no ekipa tékniku sira halo servisu maka’as liután, aselera prosesu hotu para halo rekonstrusaun ba estrada, ponte no moru protesaun ne’ebé hetan estragus, hodi fasilita movimentasaun transporte no komunidade sira, liuliu normaliza estrada no ponte ne’ebé liga postu administrativu ba kapitál munisípiu hodi fasilita hikas komunidade lori produtu ba merkadu.

Enkontru ne’e partisipa mós husi Jestór Unidade Manajementu Projetu (PMU), Sr. Sidónio da Costa Freitas, inklui tékniku sira husi gabinete MOP no vise MOP.

#Media_MOP 

Read More

MOP Enkontru Ho Ekipa Jica Hodi Apoiu Rekonstrusaun Estragus Kalamidade 4 Abril

MOP Enkontru Ho Ekipa Jica Hodi Apoiu Rekonstrusaun Estragus Kalamidade 4 Abril

DILI, 27 ABRIL 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, Tersa-feira ne’e enkontru ho ekipa husi Ajénsia Japaun ba Kooperasaun Internasionál (Japan International Cooperation Agency - JICA) ba rekonstrusaun infraestrutura ne’ebé hetan estragus kauza husi kalamidade 04 Abril 2021.

Iha enkontru ne’e, Sr. Ministru aprezenta oinsá apoiu Governu Japaun nian liuhosi ajénsia JICA ba rekonstrusaun no rehabilitasaun estragus hanesan estrada, ponte, no moru protesaun sira, inklui sistema kanalizasaun bee-moos ne’ebé hetan estragus maka’as iha kalamidade 4 Abril 2021.

Enkontru ho ekipa JICA ne’e partisipa mós husi Diretór Jerál Obras Públikas (DJOP), Sr. Rui Hernani no Diretór Nasionál Estrada Ponte no Kontrolu Seias (DNEPKS), Sr. João Gama.

#Media_MOP 

Read More

MOP Observa Progresu Rekonstrusaun Estrada Iha Embaixada Japaun Oin

MOP Observa Progresu Rekonstrusaun Estrada Iha Embaixada Japaun Oin

DILI, 26 ABRIL 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, akompaña husi tékniku MOP halo observasaun ba progresu rekonstrusaun permanente ba estrada protokolu iha embaixada Japaun oin, Kampung Alor, Dili.

Observasaun ne'e, Sr. Ministru hala'o hafoin sai servisu husi edifísiu MOP, Kaikoli, Dili.

Progresu rekonstrusaun ohin loron mak kontinua hamaran (pemadatan) sub-base course no preparasaun lean concrete ba cantilever wall ka moru protesaun ba estrada refere.

Estrada ne'e hetan estragus husi inundasaun iha loron 4 Abril no prosesu rekonstrusaun permanente ba estrada ne'e hahu iha loron 20 fulan-Abril 2021 foin daudauk ne'e.

#Media_MOP 

Read More

Alterasaun Orsamentu MOP Aprovadu Iha Debate Espesialidade Ho Votus 42

Alterasaun Orsamentu MOP Aprovadu Iha Debate Espesialidade Ho Votus 42

DILI, 22 ABRIL 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, partisipa loron daruak iha diskusaun ba Orsamentu Retifikativu ba alterasaun lei Orsamentu Jerál Estadu (OJE) 2021 iha uma fukun Parlamentu Nasionál (PN).

Iha debate loron daruak ne’e Ministériu Obras Públikas hetan proposta rua husi deputadu sira mak proposta 39 no 40 ba alterasaun iha Orsamentu Retifikativu. Husi proposta rua ne’e, iha votasaun proposta 40 pasa ho votus afavór 39, kontra 0 no abstensaun 22, inklui deputadu prezente ida la vota, nune’e proposta 40 pasa. Proposta 39 lapasa ho votus afavór 23, kontra 39 no abstensaun 1, nune’e proposta 39 la pasa.

Hafoin halo votasaun ba proposta husi ministériu sira, S. Exa, Prezidente Parlamentu Nasionál (PN), Sr. Aniceto Guterres, pronúnsia hodi halo aprovasaun ba orsamentu liña ministériu ne’ebé sobre alterasaun iha orsamentu ratifikativu ne’e.

“Tuir mai ita aprova kedas lai liña ministeriais ne’ebé nia orsamentu sofre alterasaun ho ratifikativu ida-ne’e, no alterasaun ne’e presiza aprova. Rezultadu votasaun, afavór 42, kontra 0, absentaun 20, alterasaun orsamentais ba ministériu Obras Públikas aprovadu,”Sr. Prezidente PN pronunsia.

Antes halo votasaun ba proposta 39 no 40, inklui halo aprovasaun ba orsamentu liña ministériu, Sekretaria Mesa PN, deputada, Lídia Norberta dos Santos Martins, pronúnsia uluk kona-ba proposta alterasaun 39 no 40. Proposta alterasaun 39 mak atu hasai tan orsamentu husi Ministériu Obras Públikas nian hodi tau ba iha órgaun fundu COVID-19, ba prevensaun no mitigasaun surtu COVID-19, maibé Governu defende katak orsamentu ne’e koloka mós ba Empreza Públika tutela sira hanesan Bee Timor-Leste (BTL) no Eletrisidade Timor-Leste (EDTL) tanba ne’e Governu la konkorda atu hasai orsamentu ne’e hodi tau ba fundu COVID-19 nian.

“Proposta alterasaun númeru 40, iha anexu tabela 3, despeza ba órgaun servisu administrasaun sentrál, tipu do Ministériu Obras Públikas iha kategoria despeza Kapitál Dezenvolvimentu, programa 548 Dezenvolvimentu Konstrusaun, Rehabilitasaun, Manutensaun no Jestaun Estrada, Ponte no Kontrolu Seias. Dotasaun inisiál millaun $15,046 mill, alterasaun sei hasai millaun 3,762 mill dotasaun finál da kategoria millaun $11,284 mill. Dotasaun inisiál husi totál ba kategoria despeza millaun 22,167 mill, dotasaun finál husi totál ba kategoria despeza millaun $18,406 mill sei tau ba iha dotasaun ba Tudo Governu iha kategoria Bens no Servisu iha programa 148 kontijénsia. Dotasaun inisiál ba kategoria millaun $18, 163 mill alterasaun aumenta tan millaun 3, 762 mill, dotasaun finál husi kategoria millaun 22,924 mill. Dotasaun inisiál husi totál kategoria despeza millaun $44,562 mill, dotasaun finál husi totál kategoria despeza millaun $48,324 mill,” Sekretaria Mesa PN, deputada, Lídia Norberta dos Santos Martins, pronunsia proposta alterasaun númeru 40.

#Media_MOP 

Read More

Direta Povu Nia Moris Antes Rekonstrusaun Dalan Prinsipal MOP Prioritiza Uluk Normaliza Seksaun Estrada No Hasai Sendimentasaun Bairru-Bairru Afeta

Direta Povu Nia Moris Antes Rekonstrusaun Dalan Prinsipal MOP Prioritiza Uluk Normaliza Seksaun Estrada No Hasai Sendimentasaun Bairru-Bairru Afeta

DILI, 21 ABRIL 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, hatete Ministériu Obras Publikas prioritiza uluk normalizasaun seksaun estrada no hasai sedimentasaun bairru-bairru ne'ebé afeta direita ba povu nia moris antes rekonstrusaun dalan prinsipál sira.

"Esforsu ne’ebé Governu halo mak normalizasaun no hasai sedimentasaun sira iha mota, liuliu seksaun estrada sira ne’ebé prinsipál iha bairru liga ho povu nia moris aumesmu tempu fó biban ba ekipa tékniku sira halo dezeñu hodi responde ba estragus sira. Dezeña rekonstrusaun ne’ebe fiksu nune’e ekipa tékniku lori tempu oituan hodi deskuti dezeñu inklui kestaun tékniku no tipu konstrusaun ba estrada iha área embaixada Japaun oin kauza husi inundasaun 04 Abril 2021"

Durante observasaun Xefe Governu nian iha tereñu akompaña mós husi Prezidente IJE, Sra. Hermenegilda da C. Laurentina, diretór no tékniku sira husi Ministériu Planu Ordenamentu (MPO) no MOP.

#Media_MOP 

Read More

Estabelese Ona CPV No Kontratu, Montana Diak Iha Kapasidade Halo Rekoperasaun Permanente Ba Estrada Iha Embaixada Japaun Oin

Estabelese Ona CPV No Kontratu, Montana Diak Iha Kapasidade Halo Rekoperasaun Permanente Ba Estrada Iha Embaixada Japaun Oin

DILI, 21 ABRIL 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, hatete kompañia Montana Diak hahú halo rekonstrusaun permanente ba estrada monu iha embaixada Japaun oin tanba Konsellu Administrasaun Fundu Infraestrutura (KAFI) aprova ona kustu hamutuk rihun $314, nune’e ekipa tarefa infraestrutura nian rekomenda no kria ona Kompromissu ba Pagamentu Voucher (Commitment Payment Voucher - CPV) no kontratu ba projetu emerjénsia refere.

“Horseik iha KAFI aprova ona tipu de konstrusaun no kustu ne’ebé mak iha rihun $314, tanba problema finansiamentu iha KAFI ne’ebé ita hein hela prosesu orsamentu ne’e rasik (retifikativu) ne’ebé la’o hela. Iha liña ministériu iha osan oituan através liña ministeriál ami ezekuta desizaun ne’ebé iha, ohin (21/04/2021) ita-boot sira haree, iha ekipa ne’e tuir despaxu sira mak halo rekomendasaun kompañia sira ne’ebé mak iha kapasidade finanséiru, tékniku no esperiénsia para bele ezekuta obra emérjensia ne’e ho lalais no bazeia ba rekomendasaun ekipa de tarefa infraestrutura. Ohin ita iha manán na’in ida mak Montana Diak ne’ebé ekipa ne’e rekomenda mai no Graças a Deus katak kriasaun CPV no kontratu ohin ita estabelese ona no ohin nia hahú obra ne’e, espera katak loron ida, rua ka semana ida ita bele rekopera fali movimentasaun tráfiku husi seksaun estrada ida-ne’e,”Sr. Ministru Obras Públika informa ba jornalista sira iha embaixada Japaun oin, Kampung Alor, hafoin akompaña S. Exa, Primeiru Ministru (PM), Sr. Taur Matan Ruak, observa servisu rekonstrusaun ba estrada refere.

Bazeia ba despaxu husi S. Exa, Primeiru Ministru (PM), Sr. Taur Matan Ruak, ho nú. 46/PM/IV/2021 hodi forma ekipa Task Force halo identifikasaun no kuantifikasaun ba estragus sira infraestrutura nian iha kapitál Dili no munisípiu sira kauza husi dezastre naturál 04 Abril 2021. Iha ekipa rua, ida mak responde ba kesaun umanidade, no ida fali mak liga ba infraestrutura ne’ebé konstitui husi Ministériu Planu no Ordenamentu (MPO) no MOP ho ajénsia sira hanesan Ajénsia Nasionál Dezenvolvimentu (AND), Grande Projetu, Komisaun Nasionál Aprovizionamentu (CNA), Diresaun Jerál Obras Públikas, Bee Timor-Leste (BTL,E.P), ho Eletrisidade Timor-Leste (EDTL,E.P).

Esforsu ne’ebé Governu halo mak normalizasaun no hasai sedimentasaun sira iha mota, liuliu seksaun estrada sira ne’ebé prinsipál iha Bairru liga ho povu nia moris. Kona-ba estrada monu iha embaixada Japaun oin kauza husi inundasaun 04 Abril 2021 ne’e fó biban ba ekipa tékniku sira halo dezeñu hodi responde ba estragus sira, no konstrusaun ne’ebé halo ne’e fiksu nune’e ekipa tékniku lori tempu oituan hodi deskuti dezeñu inklui kestaun tékniku no tipu konstrusaun ba estrada iha área refere.

“Montante tuir rekomendasaun ne’ebé mak aprova husi KAFI no ekipa tékniku sira hamutuk rihun $314 ba seksaun estrada ho tipu konstrusaun sira bolu dehan Asphalt concrete ne’ebé tau fatuk, pois rai-henek, depois mak tau alkatraun no mós bareira retensaun ne’ebé satan invazaun tasi-been bainhira tasi-been sa’e. Ne’e obra emerjénsia, se lais liu ne’e di’ak liután, hanoin katak ita fó tempu badak para sira bele ezekuta,”Sr. Ministru esplika.

Sr. Ministru Obras Públikas haktuir, hafoin inundasaun iha loron 4 fulan-Abril, iha loron 5 fulan-Abril, S. Exa, Primeiru Ministru (PM), Sr. Taur Matan Ruak, S. Exa, Vise Primeiru Ministru no Ministru Planu no Ordenamentu (V-PM no MPO), Sr. José Reis, akompaña husi Sr. Ministru Obras Públikas ho ekipa tékniku sira halo observasaun ba estragus iha fatin refere, no Xefe Governu orienta tenke halo rekonstrusaun permanente tanba estrada ne’e estrada prinsipál.

Aliende ne’e, tanba inundasaun 4 Abril hamosu estragus iha fatin barak nune’e Governu esforsu halo normalizasaun, hasai sedimentasaun no halo limpeza hodi fó tempu ba ekipa tékniku tarefa infraestrutura nian halo análiza no dezeñu, nune’e lori tempu oituan hodi halo rekonstrusaun fiksu, no iha loron 20 Abril 2021 hahú halo rekonstrusaun permanente ba estrada refere.

Durante observasaun Xefe Governu nian iha tereñu akompaña mós husi Prezidente IJE, Sra. Hermenegilda da C. Laurentina, diretór no tékniku sira husi Ministériu Planu Ordenamentu (MPO) no MOP.

#Media_MOP 

Read More

Tékniku MOP Partisipa Aprezentasaun Telekonferénsia Ba Progresu Relatóriu Interim I Ba Estudu Viabilidade No Planu Mestre Ba HNGV

Tékniku MOP Partisipa Aprezentasaun Telekonferénsia Ba Progresu Relatóriu Interim I Ba Estudu Viabilidade No Planu Mestre Ba HNGV

DILI, 20 ABRIL 2021: Ekipa tékniku Ministériu Obras Publikas (MOP) kompostu husi Diresaun Jerál Habitasaun no Urbanismo (DGHU), Diresaun Nasionál Edi?kasaun (DNE), asesór Gabinete Ministru, tékniku Planeamentu Urbanu no Habitasaun no ekipa tékniku husi Ministériu Saúde (MS) ne’ebé hamutuk hamahon-an iha Project Steering Committee (PSC) ba projetu Estudu Viabillidade no Planu Mestre ba Hospitál Nasional Guido Valadares (HNGV), partisipa iha enkontru telekonferénsia ho team leader no péritu sira husi konsultant lokál no internasionál MAFRA Consultante servisu hamutuk ho HCM EXCELLENCE iha Timor-Leste no Indonézia.

Enkontru ne'e halo iha salaun enkontru iha HNGV Bidau, Dili ho objetivu atu trasa servisu konsultan nian ho rigór, tuir timeline servisu ne’ebé válidu ba Estudu Viabilidade no Planu Mestre hospital HNGV nian ne'ebé mak daudaun to'o ona iha faze Interim Report I ne’ebe produz tuir rekerimentu termu da referencia no konsiderasaun tekniku sira.

Espesífiku liu, enkontru ne'e foka ba aprezentasaun iha faze tolu mak:

1) Dezenvolvimentu Estudu Viabilidade ne’ebe kabe ba Site A (existente) no Site B (expansaun) ho metodolojia ne’ebe kompreensivu haree ba aspetu tekniku no fiziku, sosial no ekonomiku, analize ba merkadu no finanseiru;

2) Dezenvolvimento Plano Mestre ba Site A ho ninia progressu por faze (faze 1 - 5) haktuir rekomendasaun konsultant nian;

3) Analize hidrologiku relasiona ho akontesimentu dezastre naturais ne’ebe hamosu inundasaun iha area liur no besik-besik hospital HNGV nian;

Enkontru atualizasaun servisu konsultant ne'e mos ho objetivu atu identi?ka obstakulu no lakunas sira durante periodu implementasaun estudu ne’ebé hetan atraza tamba pandémia globál COVID-19.

Apezar husi obstakulu durante pandémia COVID-19, membru PSC sira ne’ebé lidera husi Diretór Gerál, Sr. Roger Tertuliano Belo, halo esforsu atu revé no avalia servisu konsultan nian, hodi fó rekomendasaun pertinente atu bele asegura kualidade estudu.

Hamahon-an iha PSC mós inklui donu de projetu rasik - Ministériu Saúde - no fasilitadór Ministériu Obras Públikas, hamutuk ho Ministériu Planu no Ordenamentu (MPO), Ajénsia Dezenvolvimentu Nasionál (ADN).

Maske atividade konsultan nian iha faze preparasaun relatóriu defikulta husi propagasaun pandémia COVID-19 maibé konsultant iha komitementu atu hato’o relatóriu ne’ebé ho kualidade-as, hodi responde ba nesesidade Governu no nasaun hodi rehabilita hospitál HNGV ne’ebe sei fornese servisu saude ba populasaun rai laran.

Enkontu inísiu ne’e liuhosi manéira telekonferénsia hodi tau konsiderasaun-as ba regra Estadu Emerjénsia hodi prevene transmisaun lokál pandémia COVID-19 ho númeru ne’ebé daudauk ne’e aumenta beibeik iha kapitál Dili.

#Media_MOP 

Read More

MOP Orienta Hahú Halo Rekonstrusaun Ba Estrada Monu Iha Embaixada Japaun Oin

MOP Orienta Hahú Halo Rekonstrusaun Ba Estrada Monu Iha Embaixada Japaun Oin

DILI, 20 ABRIL 2021: S. Exa, Ministériu Obras Públikas (MOP), Arq. Salvador Eugénio Soares dos Reis Pires, orienta Diresaun Jerál Obras Públikas (DJOP) liuhosi Diresaun Nasionál Estrada Ponte no Kontrolu Seias (DNEPCC) servisu hamutuk ho kompañia ajudikadu hahú halo rekonstrusaun permanente ba estrada monu iha embaixada Japaun oin, Kampung Alor, Dili, ne’ebé afeita husi inundasaun loron 04 Abril 2021.

Bazeia ba despaxu husi S. Exa, Primeiru Ministru (PM), Sr. Taur Matan Ruak, ho nú. 46/PM/IV/2021 hodi forma ekipa Task Force (husi Ministériu Planu no Ordenamentu - MPO & MOP) halo identifikasaun no kuantifikasaun ba estragus sira infraestrutura nian iha kapitál Dili no munisípiu sira kauza husi dezastre naturál 04 Abril 2021.

Nune’e, ekipa Task Force halo verifikasaun ba estragus sira liuliu estrada monu iha embaixada Japaun oin, no nota katak estrada ne’e protokolu no presiza halo rekonstrusaun emerjénsia ka urjente hodi fasilita movimentasaun transporte no komunidade iha área refere, nune’e ekipa Task Force prepara estudu no dezeñu, inklui delibera ona iha Konsellu Administrasaun Fundu Infraestrutura (KAFI) iha loron 19 fulan-Abril 2021 mak Ministériu Obras Públikas hanesan ajénsia implementadór ho finansiamentu liña ministeriál ohin loron 20 Abril 2021 iservisu ho empreza ajudikadu hahú desloka ekipamentu pezadu ba iha tereñu halo servisu rekonstrusaun permanente ba estrada refere.

Inísiu servisu husi Kompañia ajudikadu Montana Diak iha fatin refere akompaña direita husi Diretór Nasionál DNEPCC, Sr. João Gama, no tékniku sira hodi orienta kompaña serisu tuir estudu no dezeñu ne’ebé iha.

#Media_MOP 

Read More

Lensa Foto IV MOP Akompaña PM Observa Moru Protesaun Uza Siklop Iha Akanunu

Lensa Foto IV MOP Akompaña PM Observa Moru Protesaun Uza Siklop Iha Akanunu

DILI, 18 ABRIL 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, akompaña S. Exa, Primeiru Ministru (PM), Sr. Taur Matan Ruak, halo observasaun iha mota ulun parte Akanunu nian ne’ebé moru protesaun tau Siklop ne’ebé uza besi betook hodi asegura mota labele ofer flow hamosu inundasaun ba komunidade sira.

Moru protesaun iha área refere la uza bronjon maibé uza de’it Siklop uza besi beton ne’ebé tama iha projetu emerjénsia ba inundasaun loron 13 Marsu tinan 2020 nian, iha área refere mezmu mota naresin tiha maibé la konsege sobu moru protesaun hodi hamosu inundasaun iha área refere, seluk ne’ebé uza bronjon balun mota sobu no lori hotu.

Iha observasaun ne’e Xefe Governu akompaña mós husi Prezidente IJE, Sra. Hermenegilda Prezidente Eletrsidade Timor-Leste Empreza Públika (EDTL,E.P), Sr. Paulo da Silva, Diretór Nasionál Estrada, Ponte no Kontrolu Seias (DNEPCC), Sr. João Gama, inlui tékniku sira.

#Media_MOP 

Read More

MOP Enkontru Ho Embaixadór Austrália Ba Apoiu Iha Infraestrutura Kauza Husi Kalamidade 4 Abril

MOP Enkontru Ho Embaixadór Austrália Ba Apoiu Iha Infraestrutura Kauza Husi Kalamidade 4 Abril

DILI, 16 ABRIL 2021: S. Exa, Ministru Obras Públikas (MOP), ARq. Salvador Eugénio Soares dos Reis Pires, realiza enkontru ho Embaixadór Austrália iha Timor-Leste, Sr. Peter Roberts, iha edifísiu MOP, Kaikoli, Dili hodi ko’alia kona-ba apoiu Governu Austrália nian iha área infraestrutura liuliu ba situasaun kalamidade ka inundasaun ne’ebé akontese iha loron 4 fulan-Abril 2021 liubá.

Sr. Embaixadór Austrália mós informa kona-ba apoiu umanitáriu ne’ebé Governu Austrália haruka ona mai Timor-Leste hodi apoiu ba vítima dezastre naturál.

Ekontru ne’e partisipa mós husi ekipa Estrada Rurál ba Dezenvolvimentu (ERD) hodi rona informasaun husi Sr. Ministru Obras Públikas kona-ba oinsá apoiu ERD nian ba normalizasaun estrada no ponte sira iha área rurál.

#Media_MOP 

Read More

Ekipa Umanitária Aprezenta Pontu Situasaun Husi Impaktu Inundasaun 4 Abril 2021

Ekipa Umanitária Aprezenta Pontu Situasaun Husi Impaktu Inundasaun 4 Abril 2021

DILI, 15 ABRIL 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, iha Kinta-feira partisipa iha reuniaun ne’ebé lidera husi S. Exa, Primeiru Ministru (PM), Sr. Taur Matan Ruak, iha sala auditóriu Xanana Gusmão, Ministeriu Finansas, Aitarak-Laran, Dili hodi akompaña aprezentasaun husi ekipa umanitária ba impaktu husi inundasaun 04 Abril 2021 ne’ebé lidera husi S. Exa, Ministru Administrasaun Estatál, Sr. Miguel Pereira de Carvalho, no S. Exa, Sekretáriu Estadu Protesaun Sivíl, Sr. Joaquim José Gusmão dos Reis Martins.

Iha reuniaun ne’e, S. Exa, Ministru Administrasaun Estatál, Sr. Miguel Pereira de Carvalho, no S. Exa, Sekretáriu Estadu Protesaun Sivíl, Sr. Joaquim José Gusmão dos Reis Martins, halo ona aprezentasaun ba Konsellu Ministrus kona-ba pontu situasaun husi impaktu inundasaun iha loron 4 fulan-abril tinan2021, ne’ebé provoka husi siklone tropikál Seroja no medida sira apoiu nian ne’ebé implementa ona. Tuir dadus hirak ne’ebé aprezenta iha sorumutuk, inundasaun provoka ema mate hamutuk 35 (ruanulu husi Dili, na’in neen husi Ainaru, na’in tolu iha Vikeke, na’in rua iha Kovalima, na’in rua iha Manatutu, no na’in ida iha Aileu no na’in ida iha Baukau) no sanulu maka lakon (na’in haat iha Ainaru, na’in haat iha Manatutu no na’in rua iha Dili). Família liu rihun 25 iha país maka afeta husi inundasaun no hela-fatin 4 546 maka aat ka hetan estragu. Iha nivel infraestrutura públika sira, Siklone Tropikál Seroja estraga ona estrada 22 no ponte 11. Iha Dili, daudaun ne’e, ema 11 104 maka hela iha sentru ativu 38 iha Dili. Husi totál família hamutuk 8 548 mak afeta husi inundasaun sira iha sidade Dili, Governu fahe ona, to’o loron 11 fulan-abril, apoiu ona ba hamutuk família 1 396, ne’ebé planeia hela no hala’o hela to’o loron 18 fulan-abril, hodi fahe ba família sira seluk. Ohin entrega apoiu iha Manatutu. Aban sei iha Vikeke no iha loron 16 fulan-abril sei entrega apoiu iha Munisípiu Ermera no Aileu.

Reuniaun ne’e aprova mós projetu Rezolusaun Governu nian, ne’ebé aprezenta husi S. Exa, Ministra Negósiu Estranjeiru, Sra. Adaljiza Magno, kona-ba aprovasaun ba kandidatura Timor-Leste hanesan membru Konsellu Direitu Umanu nian husi Organizasaun Nasoins Unidas (ONU), ba períodu tinan 2024 ba 2026.

Konsellu Direitu Umanu sira iha membru hamutuk 47, eleitu liuhusi maioria Estadu Asembleia Jerál ONU nian ba mandatu tinan tolu, país sira seluk mantein estatutu observadór sira. Distribuisaun husi asentu sira sei halo tuir aprezentasaun jeográfika ekuitativa nian (Grupu 13 husi País Afrikanu, Grupu 13 husi País sira Aziátiku, Grupu hitu husi País sira Leste Europeu, Grupu ualu husi País sira Amérika Latina, no husi Karaíbas, no Grupu hitu husi País sira Europa Osidentál no Sira seluk).

Halo mós aprovasaun, ho alterasaun, ba Projetu Dekretu-Lei, kona-ba alterasaun dahituk ba Dekretu-Lei n. 10/2005, loron 21 fulan-novembru, ne’ebé prova Rejime Jurídiku Aprovizionamentu nian, ho objetiva atu simplifika tramitasaun espesiál husi ajusta diretu urjente.

Ho Dekretu-Lei ida-ne’e, halo introdusaun husi regra foun ba tramitasaun husi prosedimentu ajustu diretu kompras emerjénsia nian, tuir akontesimentu ne’ebé labele prevee hodi tau risku iha saúde públika no seguransa nian, ka bainhira eziste nesesidade urjente ida, labele prevee no la provoka benefisiáriu aprovizionamentu nian kona-ba obra, beins ka servisu sira, ne’ebé la’ós fasil prátiku hodi hahú prosedimentu sira husi konkursu ka kualkér métodu sira seluk aprovizionamentu, ka karik deklarasaun ofisiál husi katástrofe ka situasaun emerjénsia nian, ne’ebé tau nesesidade hodi halo servisu ho obra ka hodi fornese beins ka simu servisu sira hodi evita lakon moris, no lakon propriedade sira Governu nian, ka ezijénsia sira seluk ne’ebé obriga asaun urjente iha interese públiku.

Nune’e, iha kazu sira-ne’e, hodi permite katak órgaun kompetente hodi asina kontratu atu bele pratika atus prosedimentu aprovizionamentu no selebra kontratu sein kualkér formalidade sira. Maske kontratu ne’e prodús efeitu imediatu, atus aprovizionamentu no kontratu sira tenke redús eskritu iha prazu másimu loron 60. Kazu sira ne’e la presiza autorizasaun no aprovasaun no kabimentasaun sei asegura to’o momentu redusaun eskritu kontratu nian.

Bainhira trata kontratu sira ezekusaun obra nian, presu ne’e sei determina husi aplikasaun valór umanitáriu sira ne’ebé prevee iha Diploma Ministeriál Konjunta husi Governu ne’ebé responsabiliza husi obras públikas no husi planu no ordenamentu.

Diploma refere iha ámbitu deklarasaun estadu de sítiu ka estadu emerjénsia, nune’e mós deklarasaun husi situasaun alerta, kontinjénsia ka kalamidade, bele utiliza prosedimentu aprovizionamentu husi solisitasaun husi kotasaun sira, independentemente husi valór, ba adjudikasaun kontratu sira ho kontrapartida iha despeza kategoria husi beins no servisu sira, iha sirkunstánsia espesífika sira.

Hafoin halo analiza ba aprezentasaun husi pontu situasaun epidemiolójika país nian, husi Sala Situasaun Sentru Integradu Jestaun Krize, Konsellu Ministrus aprova ona projetu sira Rezolusaun Governu nian, ba kontinuasaun husi impozisaun serka sanitária iha Munisípiu Dili, Baucau no Viqueque to’o loron 2 fulan-maiu. Halo mós aprovasaun ba projetu Rezolusaun Governu nian ba impozisaun serka sanitária iha Munisípiu Ermera, Covalima no Ainaro to’o loron 2 fulan-maiu. Nune’e, bandu sirkulasaun ema nian entre munisípiu sira-ne’e no divizaun administrativa sira seluk, exetu iha kazu sira ne’ebé ho fundamentu forte tanba razaun sira hanesan seguransa públika, saúde públika, asisténsia umanitária, manutensaun sistema sira abastesimentu públiku ka ba realizasaun interese públiku nian.

Aprova ona mós alterasaun dahuluk husi Dekretu Governu N. 12/202, loron 1 fulan-abril, kona-ba medida sira ezekusaun husi deklarasaun estadu emerjénsia nian ne’ebé efetua husi Dekretu Prezidente Repúblika N.17/2021, loron 31 fulan-marsu, kona-ba regra sira kuarentena ba pesoál ajuda umanitária nian.

S. Exa, Ministra Saúde, Sra. Odete Maria Freitas Belo, halo ona aprezentasaun ba Konsellu Ministrus kona-ba progresu kampaña vasinasaun kontra COVID-19 nian. Husi loron 7 fulan-abril, vasina rihun 24 maka to’o ona iha Timor-Leste, halo ona vasina hamutuk 2 907, husi númeru hirak-ne’e, hamutuk feto 887 no mane hamutuk 1 742 maka simu vasinasaun. Vasina ona mós ba profisionál saúde hamutuk 1 619 no profisionál sira seluk husi liña frente nian hamutuk 1 010.

Ministra Saúde halo mós aprezentasaun kona-ba rezultadu sira husi teste variante sira SARS-CoV-2 nian ne’ebé iha país, ne’ebé analiza ona iha Austrália. Rezultadu barak maka hetan iha amostra 70 ne’ebé analiza ona hatudu padraun hanesan ba ida-ne’ebé deteta ona iha país sira seluk iha rejiaun nian no deteta ona kazu variante ida husi Reinu Unidu (B.1.1.7), kona-ba pasiente ida-ne’ebé iha hela izolamentu profilátiku bainhira deteta ona, iha loron 27 fulan-dezembru tinan 2020 no la provoka kontájiu sira. La deteta kazu variante sira iha Áfrika Súl (B.1.351) no husi Brazíl (P.1). Sei haruka iha aviaun tuirmai amostra liu 246 hodi bele halo analiza.

S. Exa, Ministru Transporte no Komunikasaun, Sr. José Agustinho da Silva, aprezenta ona opsaun polítiku-lejizlativa subjasente sira ba projetu kona-ba regulasaun husi organizasaun serbisu sira inspesaun ró no embarkasaun sira. Aprezentasaun ne’e ho objetivu atu analiza preliminár husi opsaun sira polítiku-lejizlativa nian ba estabelesimentu husi norma sira no ba prosedimentu rejistu no ba servisu sira inspesaun husi utilizasaun ró no embarkasaun nasionál sira, tuir padraun internasionál sira seguransa marítima no protesaun ambiente tasi nian.

Ikusliu, S. Exa, Ministru Finansas, Sr. Rui Augusto Gomes, halo ona aprezentasaun preliminár ida ba Konsellu Ministrus kona-ba proposta ida segmentasaun husi Fundu Mina-rai nian, ne’ebé fahe fundu iha parte rua, ida ba ativu likidés aas no ida seluk ba investimentu ba prazu naruk.

#Media_MOP 

Read More

Konsellu Ministru Altera Rejime Jurídiku Aprovizionamentu Simplifika Tratamitasaun Espesiál

Konsellu Ministru Altera Rejime Jurídiku Aprovizionamentu Simplifika Tratamitasaun Espesiál

DILI, 14 ABRIL 2021: S. Exa, Ministru Obras Publikas (MOP), Arq. Salvador Eugénio Soares dos Reis Pires, partisipa iha reuniaun Konsellu Ministru ne'ebé lidera husi S. Exa, Primeiru Ministru (PM), Sr. Taur Matan Ruak, iha Palasiu Governu, Dili.

Iha reuniaun Konsellu Ministrus ne'e aprova ona projetu Rezolusaun Governu nian, ne’ebé aprezenta husi S. Exa, Ministra Negósiu Estranjeiru, Sra. Adaljiza Magno, kona-ba aprovasaun ba kandidatura Timor-Leste hanesan membru Konsellu Direitu Umanu nian husi Organizasaun Nasoins Unidas (ONU), ba períodu tinan 2024 ba 2026.

Konsellu Direitu Umanu sira iha membru hamutuk 47, eleitu liuhusi maioria Estadu Asembleia Jerál ONU nian ba mandatu tinan tolu, país sira seluk mantein estatutu observadór sira. Distribuisaun husi asentu sira sei halo tuir aprezentasaun jeográfika ekuitativa nian (Grupu 13 husi País Afrikanu, Grupu 13 husi País sira Aziátiku, Grupu hitu husi País sira Leste Europeu, Grupu ualu husi País sira Amérika Latina, no husi Karaíbas, no Grupu hitu husi País sira Europa Osidentál no Sira seluk).

Halo mós aprovasaun, ho alterasaun, ba Projetu Dekretu-Lei, kona-ba alterasaun dahituk ba Dekretu-Lei n. 10/2005, loron 21 fulan-novembru, ne’ebé prova Rejime Jurídiku Aprovizionamentu nian, ho objetiva atu simplifika tramitasaun espesiál husi ajusta diretu urjente.

Ho Dekretu-Lei ida-ne’e, halo introdusaun husi regra foun ba tramitasaun husi prosedimentu ajustu diretu kompras emerjénsia nian, tuir akontesimentu ne’ebé labele prevee hodi tau risku iha saúde públika no seguransa nian, ka bainhira eziste nesesidade urjente ida, labele prevee no la provoka benefisiáriu aprovizionamentu nian kona-ba obra, beins ka servisu sira, ne’ebé la’ós fasil prátiku hodi hahú prosedimentu sira husi konkursu ka kualkér métodu sira seluk aprovizionamentu, ka karik deklarasaun ofisiál husi katástrofe ka situasaun emerjénsia nian, ne’ebé tau nesesidade hodi halo servisu ho obra ka hodi fornese beins ka simu servisu sira hodi evita lakon moris, no lakon propriedade sira Governu nian, ka ezijénsia sira seluk ne’ebé obriga asaun urjente iha interese públiku.

Nune’e, iha kazu sira-ne’e, hodi permite katak órgaun kompetente hodi asina kontratu atubele pratika atus prosedimentu aprovizionamentu no selebra kontratu sein kualkér formalidade sira. Maske kontratu ne’e prodús efeitu imediatu, atus aprovizionamentu no kontratu sira tenke redús eskritu iha prazu másimu loron 60. Kazu sira ne’e la presiza autorizasaun no aprovasaun no kabimentasaun sei asegura to’o momentu redusaun eskritu kontratu nian.

Bainhira trata kontratu sira ezekusaun obra nian, presu ne’e sei determina husi aplikasaun valór umanitáriu sira ne’ebé prevee iha Diploma Ministeriál Konjunta husi Governu ne’ebé responsabiliza husi obras públikas no husi planu no ordenamentu.

Diploma refere iha ámbitu deklarasaun estadu de sítiu ka estadu emerjénsia, nune’e mós deklarasaun husi situasaun alerta, kontinjénsia ka kalamidade, bele utiliza prosedimentu aprovizionamentu husi solisitasaun husi kotasaun sira, independentemente husi valór, ba adjudikasaun kontratu sira ho kontrapartida iha despeza kategoria husi beins no servisu sira, iha sirkunstánsia espesífika sira.

Hafoin halo analiza ba aprezentasaun husi pontu situasaun epidemiolójika país nian, husi Sala Situasaun Sentru Integradu Jestaun Krize, Konsellu Ministrus aprova ona projetu sira Rezolusaun Governu nian, ba kontinuasaun husi impozisaun serka sanitária iha Munisípiu Dili, Baukau no Vikeke to’o loron 2 fulan-maiu. Halo mós aprovasaun ba projetu Rezolusaun Governu nian ba impozisaun serka sanitária iha Munisípiu Ermera, Kovalima no Ainaru to’o loron 2 fulan-maiu. Nune’e, bandu sirkulasaun ema nian entre munisípiu sira-ne’e no divizaun administrativa sira seluk, exetu iha kazu sira ne’ebé ho fundamentu forte tanba razaun sira hanesan seguransa públika, saúde públika, asisténsia umanitária, manutensaun sistema sira abastesimentu públiku ka ba realizasaun interese públiku nian.

Aprova ona mós alterasaun dahuluk husi Dekretu Governu N. 12/202, loron 1 fulan-abril, kona-ba medida sira ezekusaun husi deklarasaun estadu emerjénsia nian ne’ebé efetua husi Dekretu Prezidente Repúblika N.17/2021, loron 31 fulan-marsu, kona-ba regra sira kuarentena ba pesoál ajuda umanitária nian.

S. Exa, Ministra Saúde, Sra. Odete Maria Freitas Belo, halo ona aprezentasaun ba Konsellu Ministrus kona-ba progresu kampaña vasinasaun kontra COVID-19 nian. Husi loron 7 fulan-abril, vasina rihun 24 maka to’o ona iha Timor-Leste, halo ona vasina hamutuk 2 907, husi númeru hirak-ne’e, hamutuk feto 887 no mane hamutuk 1 742 maka simu vasinasaun. Vasina ona mós ba profisionál saúde hamutuk 1 619 no profisionál sira seluk husi liña frente nian hamutuk 1 010.

Ministra Saúde halo mós aprezentasaun kona-ba rezultadu sira husi teste variante sira SARS-CoV-2 nian ne’ebé iha país, ne’ebé analiza ona iha Austrália. Rezultadu barak maka hetan iha amostra 70 ne’ebé analiza ona hatudu padraun hanesan ba ida-ne’ebé deteta ona iha país sira seluk iha rejiaun nian no deteta ona kazu variante ida husi Reinu Unidu (B.1.1.7), kona-ba pasiente ida-ne’ebé iha hela izolamentu profilátiku bainhira deteta ona, iha loron 27 fulan-dezembru tinan 2020 no la provoka kontájiu sira. La deteta kazu variante sira iha Áfrika Súl (B.1.351) no husi Brazíl (P.1). Sei haruka iha aviaun tuirmai amostra liu 246 hodi bele halo analiza.

S. Exa, Ministru Administrasaun Estatál, Sr. Miguel Pereira de Carvalho no S. Exa, Sekretáriu Estadu Protesaun Sivíl, Sr. Joaquim José Gusmão dos Reis Martins, halo ona aprezentasaun ba Konsellu Ministrus kona-ba pontu situasaun husi impaktu inundasaun iha loron 4 fulan-abril tinan2021, ne’ebé provoka husi siklone tropikál Seroja no medida sira apoiu nian ne’ebé implementa ona. Tuir dadus hirak ne’ebé aprezenta iha sorumutuk, inundasaun provoka ema mate hamutuk 35 (ruanulu husi Dili, na’in neen husi Ainaru, na’in tolu iha Vikeke, na’in rua iha Kovalima, na’in rua iha Manatutu, no na’in ida iha Aileu no na’in ida iha Baukau) no sanulu maka lakon (na’in haat iha Ainaru, na’in haat iha Manatutu no na’in rua iha Dili). Família liu rihun 25 iha país maka afeta husi inundasaun no hela-fatin 4 546 maka aat ka hetan estragu. Iha nivel infraestrutura públika sira, Siklone Tropikál Seroja estraga ona estrada 22 no ponte 11. Iha Dili, daudaun ne’e, ema 11 104 maka hela iha sentru ativu 38 iha Dili. Husi totál família hamutuk 8 548 mak afeta husi inundasaun sira iha sidade Dili, Governu fahe ona, to’o loron 11 fulan-abril, apoiu ona ba hamutuk família 1 396, ne’ebé planeia hela no hala’o hela to’o loron 18 fulan-abril, hodi fahe ba família sira seluk. Ohin entrega apoiu iha Manatutu. Aban sei iha Vikeke no iha loron 16 fulan-abril sei entrega apoiu iha Munisípiu Ermera no Aileu.

S. Exa, Ministru Transporte no Komunikasaun, Sr. José Agustinho da Silva, aprezenta ona opsaun polítiku-lejizlativa subjasente sira ba projetu kona-ba regulasaun husi organizasaun serbisu sira inspesaun ró no embarkasaun sira. Aprezentasaun ne’e ho objetivu atu analiza preliminár husi opsaun sira polítiku-lejizlativa nian ba estabelesimentu husi norma sira no ba prosedimentu rejistu no ba servisu sira inspesaun husi utilizasaun ró no embarkasaun nasionál sira, tuir padraun internasionál sira seguransa marítima no protesaun ambiente tasi nian.

Ikusliu, S. Exa, Ministru Finansas, Sr. Rui Augusto Gomes, halo ona aprezentasaun preliminár ida ba Konsellu Ministrus kona-ba proposta ida segmentasaun husi Fundu Mina-rai nian, ne’ebé fahe fundu iha parte rua, ida ba ativu likidés aas no ida seluk ba investimentu ba prazu naruk.

#Media_MOP 

Read More

Dadus Prelimináriu Estragus Infraestrutura Hamutuk Millaun $225 Iha Inundasaun 04 Abril, Mop Agradese Apoiu Setór Hotu Ba Normalizasaun

Dadus Prelimináriu Estragus Infraestrutura Hamutuk Millaun $225 Iha Inundasaun 04 Abril, Mop Agradese Apoiu Setór Hotu Ba Normalizasaun

DILI, 14 ABRIL 2021: Dadus prelimináriu ne’ebé ekipa tarefa verifika ona husi inundasaun 04 Abril 2021, estragus iha infraestrutura hamutuk millaun $225, no daudauk ne’e ekipa tarefa ne’ebé fahe on aba grupu rua ne’e kontinua halo identifikasaun no verifikasaun ba estragus iha kapitál DIli no to’o iha munisípiu sira.

Liuhosi audénsia públika ho komisaun C ne’ebé trata asuntu Finanasas Públika iha Parlamentu Nasionál, S. Exa, Vise Primeiru Ministru no Ministru Planu no Ordenamentu (V-PM no MPO), Sr. José Reis, no S. Exa, Ministru Obras Públikas (MOP), Arq. Salvador Eugénio Soares dos Reis Pires, informa mós ba deputadu sira kona-ba dadus no estimasaun prelimináriu estragus husi inundasaun iha loron 04 Abril 2021.

“Ohin mensiona kona-ba estimativu, iha ne’e dadus prelimináriu ne’ebé ekipa sei presiza halo identifikasaun katak totál kustu ne’ebé Exelénsia Sr. Vise Primeiru Ministru ohin akresenta ona iha millaun $225 hanesan ne’e, ne’e dadus perlimináriu identifikasaun husi ekipa de tarefa ne’e hala’o,”Sr. Ministru Obras Públikas, informa ba deputadu sira membru komisaun C liuhosi audénsia públika iha Parlamentu Nasionál.

Sr. Ministru informa dezde tinan klaran 2020 nian, Ministériu Obras Públikas liuhosi Institutu Jestaun Ekipamentus (IJE) halo preparativus normalizasaun iha fatin-fatin, inklui mós inísiu tinan 2021 ne’ebé ekipamentu pezadu sira espalla hotu iha territóriu tomak depende ba situasaun sira, infelizmente iha 4 Abril ne’e iha ekipamentus oituan iha kapitál Dili, barak liu halo hela atendimentu iha área rurál hala’o hela atividade normalizasaun kauza husi inundasaun 4 Abril, nune’e Governu involve mós setór privadu balun ne’ebé mak ajuda Governu halo primeiru sukoru iha inísiu kalamidade 4 Abril. Hafoin inundasaun, Governu esforsu halo normalizasaun, hasai sedimentasaun no limpeza ne’ebé hetan apoiu mós husi emprezáriu lokál sira.

“Hakarak relata ba ita-boot sira katak iha kompañia 20 resin ne’ebé mak ajuda, iha mós atividade fatin 29 ne’ebé IJE atende hela, hanesan Mota Maloa, Estrada Bekusi, Armajen SAMES nian, Palásiu Prezidensiál, hasai ai iha ponte Bekora Mota ulun, hasai fatuk estrada Tibar, hasai fatuk no ai iha mota Ponte Bekussi, normaliza mota Bidau Masaur, Hasai sedimentasaun iha mota Metiaut Hotel SK nian, hasai rai monu taka estrada iha Área Branka, no mós hasai tahu iha estrada Manleuanna, normaliza mota Maloa aldeia Mate-Restu, hasai fatuk no rai taka estrada iha Metiaut, ateru estrada iha Golgota aldeia 4 Setembru, normaliza mota Manleuanna no mós hasai tahu no rai-henek ne’ebé taka estrada, Bidau Santana, normaliza mota iha Bedois, normaliza mota iha Hera hodi salva tore eletrisidade, hasai tahu iha estrada Faról, hasai sedimentasaun iha suku Maskarinas, hasai rai iha estrada Taibessi, ateru estrada Marabia, ateru estrada iha uma defisiénsia nian. halo atendimentu kuaze horseik ba estrada kotu iha Laklubar, Remexio no mós Lekidoe ne’ebé ami halo hela esforsu para fahe ami-nia rekursu atu halo atendimentu ho kooperasaun setór privadu sira-nian,”Sr. Ministru atualiza.

MOP AGRADESE APOIU SETÓR HOTU BA NORMALIZASAUN

Sr. Ministru Obras Públikas agradese ba apoiu setór hotu ba normalizasaun, hasai sedimentasaun no limpeza iha área sira ne’ebé afeita husi inundasaun.

“Aproveita tempu ida-ne’e hakarak agradese mós setór hotu-hotu, grupu voluntáriu sira, ne’ebé mak iha loron primeiru kedas hamutuk ho Governu halo intervensaun, asaun koletiva sira para normaliza ita-nia situasaun kalamidade, klaru katak ita-nia prioridade mak kontinua halo limpeza, hasai sedimentasaun, halo normalizasaun para ita-nia atividade sira kontinua la’o hanesan baibain, enkuantu grupu ida ohin ekipa de tarefa ne’ebé estabelesidu halo hela identifikasaun, kuantifikasaun no kualifikasaun ba estragus sira no halo mós planu mitigasaun atu bele rehabilita fali estrada ne’ebé hetan estragus sira ne’e,”Agradese Sr. Ministru.

Ekipa 2 ne’ebé estabelesidu tuir despaxu husi S. Exa, Primeiru Ministru (PM), Sr. Taur Matan Ruak, nian mak ida ekipa umanitária no ida ekipa infraestrutura. Ekipa umanitária ne’e lidera husi S. Exa, Ministru Administrasaun Estatál (MAE), Sr. Miguel Pereira de Carvalho, servisu hamutuk ho Sekretáriu Estadu Protesaun Sivíl. Ekipa infraestrutura lidera husi Sr. Vise Primeiru Ministru no Ministru Planu no Ordenamentu, inklui Ministériu Obras Públika sai hanesan membru.

Ekipa infraestrutura ne’e nia papél atu halo identifikasaun, kuantifikasaun, kualifikasaun ba estragu sira ne’ebé akontese iha inundasaun 4 Abril.

#Media_MOP 

Read More