𝐌𝐎𝐏 𝐇𝐀𝐋𝐎 𝐈𝐍𝐒𝐏𝐄𝐒𝐀𝐔𝐍 𝐁𝐀 𝐏𝐑𝐎𝐆𝐑𝐄𝐒𝐔 𝐍𝐀𝐇𝐄 𝐀𝐒𝐏𝐀𝐋𝐓 𝐁𝐀 𝐄𝐒𝐓𝐑𝐀𝐃𝐀 𝐅𝐎𝐔𝐍 𝐇𝐔𝐒𝐈 𝐁𝐄𝐄 𝐓𝐔𝐃𝐀𝐊–𝐒𝐀𝐑𝐋𝐀𝐋𝐀, 𝐎𝐁𝐒𝐄𝐑𝐕𝐀 𝐌Ó𝐒 𝐍𝐎𝐑𝐌𝐀𝐋𝐈𝐙𝐀𝐒𝐀𝐔𝐍 𝐄𝐒𝐓𝐑𝐀𝐃𝐀 𝐌𝐀𝐍𝐋𝐄𝐔𝐀𝐍𝐍𝐀-𝐊𝐀𝐒𝐍𝐀𝐅𝐀𝐑

𝘼𝙞𝙡𝙚𝙪, 16 Dezembru 2022: Ministru Obras Públikas (MOP), Eng. Abel Pires da Silva, akompaña husi Diretór Nasionál Estrada, Ponte no Kontrollu i Seias (DNEPCC, sígla Portugués), Eng. Milton Ramanata de Castro Monteiro, halo inspesaun ba progresu servisu husi kompaña konstrutór Jonize Unip. Lda, ne’ebé daudauk ne’e nahe ona aspalt ba projetu estrada foun husi Fatisi Bee Tudak nian to’o Sarlala diresaun husi Dili ba Aileu nian.

Iha inpesaun ne’e, Sr. Ministru kontinua orienta atu kompañia konstrutór kontinua nahe aspalt tuir kontratu ne’ebé iha no tenke garante mós nia kualidade.

Prosesu nahe aspalt ne’e sei tarde oituan tanba daudauk ne’e tempu udan, tanba ne’e kompañia halo servisu nahe aspalt iha tempu dader de’it, iha parte loraik kontinua ho servisu seluk, maske nune’e kompañia sei halo esforsu hodi finaliza projetu estrada refere ho nahe aspalt.

Sr. Ministru Obras Públikas agradese ba esforsu tomak kompañia nian ne’ebé daudauk ne’e hahú ona nahe aspalt, no espera katak bele finaliza ho di’ak no ho kualidade, atu nune’e komunidade bele uza ba tempu naruk.

Antes halo inspesaun ba estrada Fatisis Bee Tudak to’o Sarlala, Sr. Ministru halo mós observasaun ba servisu kompañia sira nian ba normalizasaun estrada husi Manleuanna to’o mota Kasnafar ne’ebé hetan estragus husi kalamidade 04 Abril 2021, ne’ebé antes Sr. Ministru asina ona nia kontratu ho kompañia sira hodi halo normalizasaun.

Tuir observasaun kompañia sira daudauk ne’e hahú mobiliza ona nia ekipamentu pezadu ba tereñu no hahú halo ona servisu normalizasaun ba estrada diresaun Manleuanna to’o mota Kasnafar.

Projetu rehabilitasaun husi Manleuanna to’o Kasnafar kuaze Kilometru ida resin ho totál orsamentu millaun $5.5 ne’ebé ezekuta husi kompañia tolu no estrada Fatisi to’o Sarlala kuaze kilométru 8 ho nia orsamentu tau aspalt hamutuk la to’o millaun $5. Orsamentu hirak ne’e KAFI deside ona tama iha Fundu Infraestrutura.

#Media_MOP