𝐌𝐎𝐏 𝐎𝐑𝐈𝐄𝐍𝐓𝐀 𝐃𝐍𝐄𝐏𝐂𝐂 𝐇𝐀𝐋𝐎 𝐃𝐄𝐙𝐄Ñ𝐔 𝐁𝐀 𝐄𝐒𝐓𝐑𝐀𝐃𝐀 𝐁𝐀 𝐒𝐔𝐊𝐔 𝐒𝐀𝐌𝐀𝐋𝐄𝐓𝐄 𝐓𝐎’𝐎 𝐓𝐀𝐑𝐀𝐒𝐔

𝙍𝙖𝙞𝙡𝙖𝙠𝙪, 16 Dezembru 2022: Ministru Obras Públikas (MOP), Eng. Abel Pires da Silva, akompaña husi Diretór Nasionál Estrada, Ponte no Kontrollu i Seias (DNEPCC, sígla Portugués), Eng. Milton Ramanata de Castro Monteiro, hala’o observasaun ba estrada rurál husi diresaun Aileu-Ermera nian husi Seloi-Kraik tuun ba suku Samalete to’o Tarasu, postu administrativu Railaku, munisípiu Ermera nian.

Iha obervasaun ne’e Sr. Ministru Obras Públikas orienta DNEPCC atu halo dezeñu ba estrada rurál refere para rehabilita iha tinan oin no tau Makadam atu nune’e estrada refere bele dura ba tempu naruk.

Observasaun ne’e mós bazeia ba orientasaun husi S. Exa, Primeiru Ministru (PM), Jenerál Taur Matan Ruak, nian tanba suku refere suku produtivu ho produtu hanesan Kafé no produtu lokál sira seluk maibé estrada mak kondisaun ladi’ak, tanba ne’e Xefe Governu orienta estrada rurál refere tau mós ba prioridade.

Iha observasaun ne’e, Sr. Ministru akompaña mós husi xefe suku Samalete, Sr. António Freitas dos Santos, hodi informa kona-ba kondisaun estrada no poténsia suku refere nian.

#Media_MOP