𝐆𝐎𝐕𝐄𝐑𝐍𝐔 𝐎𝐅𝐈𝐒𝐈𝐀𝐋𝐌𝐄𝐍𝐓𝐄 𝐋𝐀𝐍𝐒𝐀 𝐎𝐍𝐀 𝐄𝐒𝐓𝐑𝐀𝐃𝐀 𝐓𝐑𝐎𝐒𝐔 𝐋𝐀𝐆𝐀-𝐁𝐀𝐆𝐔𝐈𝐀

𝙇𝙖𝙜𝙖, 09 Dezembru 2022: Ministru Obras Públikas (MOP), Eng. Abel Pires da Silva, hamutuk ho membru Governu sira akompaña S. Exa, Primeiru-Ministru (PM) Jenerál Taur Matan Ruak, hala'o ona serimónia lansamentu fatuk dahuluk hodi hahú rehabilitasaun ba estrada munisipál pakote Laga-Baguia, munísipiu Baukau ho distánsia Kilometru 38,03.

Projetu ne'e rehabilita husi kompañia Internasionál Norinco International Cooperation LDA. Projetu ne'e orsamentu montante hamutuk dólar amérikanu $21.695.194.98 ba durasaun fulan 24.

Estrada ne'e sei hadi’ak ho luan metru 7, ho pakóte alkatraun metru 4, alargamentu metru 1.

Projetu ne’e mós sei hetan suprevizaun husi Kompañia PT. Inacon Luhur Pertiwi, JV Kai Watu Kmanek Consultant, Unip. Lda, no PT Sinotech Engineering Indonesia.

Serimónia lansamentu ne'e hala'o iha Weli-Weli Suku Soba, Postu Laga, munisípiu Baukau no hetan mós partisipasaun husi Deputadu Parlamentu Nasionál, autóridade munisipál, postu, veteranus inklui komunidade parte Laga no Baguia nian.

#Media_MOP