𝐎𝐅𝐈𝐒𝐈𝐀𝐋𝐌𝐄𝐍𝐓𝐄, 𝐆𝐎𝐕𝐄𝐑𝐍𝐔 𝐋𝐀𝐍𝐒𝐀 𝐎𝐍𝐀 𝐏𝐑𝐎𝐉𝐄𝐓𝐔 𝐑𝐄𝐇𝐀𝐁𝐈𝐋𝐈𝐓𝐀𝐒𝐀𝐔𝐍 𝐁𝐀 𝐄𝐒𝐓𝐑𝐀𝐃𝐀 𝐔𝐀𝐈𝐀𝐊𝐀-𝐊𝐄𝐋𝐈𝐊𝐀𝐈-𝐎𝐒𝐒𝐔

𝙆𝙚𝙡𝙞𝙠𝙖𝙞, 09 Dezembru 2022; Ministru Obras Públikas (MOP), Eng. Abel Pires da Silva, hamutuk ho membru Governu sira seluk akompaña S. Exa, Primeiru-Ministru (PM), Jenerál Taur Matan Ruak, hala'o ona lansamentu ba rehabilitasaun estrada munisipál trosu husi Uaiaka Suku Abafala ba postu Kelikai to'o Samarogo, suku Nahareka, postu Ossu, munisípiu Vikeke.

Konstrusaun ba projetu estrada munisipál ne'e ho nia distánsia Kilometru 22+700.

Estrada ne'e sei konstrui husi kompañia Internasionál husi Xina, Chongqing International Construction Corporation (CICO), ho montante orsamentu hamutuk $16.547,661,76, ba durasaun fulan 18 (Tinan 1 fulan 6).

Iha serimónia lansamentu ne'e partisipa husi Priméiru Vise Parlamentu Nasionál, membru Governu sira, autoridade postu no lokál, ajénsia tutela ba MOP inklui komunidade Kelikai no Ossu.

#Media_MOP