MOP Partisipa Iha Diálogu Prezidente Repúblika Ho Komunidade Baukau

MOP Partisipa Iha Diálogu Prezidente Repúblika Ho Komunidade Baukau

BAUKAU, 17 DEZEMBRU 2020: S. Exa, Ministru Obras Públikas, Arq. Salvador Eugénio Soares dos Reis Pires, hamutuk ho membru Governu sira seluk akompaña S. Exa, Prezidente Repúblika (PR), Dr. Francisco Guterres Lu-Olo, hala’o diálogu ho tema “Ho Diálogu sei Hetan Solusaun ba Problema Ne’ebé De’it” ho komunidade iha munisípiu Baukau.

Objetivu husi diálogu ne’e mak atu ropa preokupasaun komunidade munisípiu Baukau nian oinsá buka hodi fó solusiona problema ne’ebé iha.

Partisipasaun Sr. Ministru Obras Públikas nian hodi rona direita preokupasaun populasaun Baukau nian hanesan, bee-moos, estrada no eletrisidade no seluk tan liga ho infraestrutura bázika iha munisípiu Baukau, nune’e Sr. Ministru bele fahe polítika no programa Governu nian liga ho infraestrutura bázika prinsipalmente ba munisípiu Baukau.

Iha diálogu entre Xefe Estadu ho komunidade munisípiu Baukau ne’e hetan partisipasaun husi S. Exa, Vise Primeiru Ministru (PV-PM), Sr. José Reis, hodi hato’o Saudasões S. Exa, Primeiru Ministru (PM), Sr. Taur Matan Ruak, nian ba komunidade munisípiu Baukau. Partisipa mós husi membru Governu sira, deputadu sira, korpu diplomátiku, lidera partidu polítika iha munisípiu Baukau, veteranu sira no komunidade tomak iha munisípiu Baukau.

#Media_MOP