Proposta OJE ba MOP Pasa iha Espesialidade ho Votus 44

Proposta OJE ba MOP Pasa iha Espesialidade ho Votus 44

DILI, 10 DEZEMBRU 2020: S. Exa, Ministru Obras Públikas (MOP), Arq. Salvador Eugénio Soares dos Reis Pires, akompaña S. Exa, Primeiru Ministru (PM), Sr. Taur Matan Ruak, iha debate espesialidade ba proposta Orsamentu Jerál Estadu (OJE) tinan fiskál 2021 hodi defende OJE 2021 ba Ministériu Obras Públikas iha Parlamentu Nasionál (PN).

Proposta OJE 2021 ba Ministériu Obras Públikas pasa iha debate espesialidade ho votus afavór 44, kontra 0 no abstensaun 0.

OJE 2021 ba Ministériu Obras Públikas ho montante total millaun $240.674, Saláriu no Vensimentu millaun $1.774, Bens no Servisus millaun $21.309, Transferénsia Públikas millaun $194.490, Kapitál Menor rihun $934, no Kapitál Dezemvolvimentu hamutuk millaun $22.167.

Iha debate espesialidade ba OJE 2021 nian, Ministériu Obras Públikas hetan proposta tolu mak hanesan proposta númeru, 52, 53 no 54.

Durante debate espesialidade no antes halo votasaun ba proposta hirak ne’e deputadu sira retira hikas proposta númeru 53 no 54, no proposta 52 mak hakat ba votasaun no pasa ho votus afavór 43, kontra 0 no abstensaun 1, nune’e proposta 52 pasa hodi halo transferénsia ba osan husi Transferénsia Públikas millaun $ 1 no tau iha Saláriu no vensimentu, tanba ne’e, proposta númeru 52 halo de’it transferénsia.

#Media_MOP