𝐌𝐎𝐏 𝐎𝐑𝐈𝐄𝐍𝐓𝐀 𝐃𝐉𝐇𝐔 𝐇𝐀𝐇Ú 𝐈𝐍𝐃𝐈𝐌𝐈𝐍𝐈𝐙𝐀𝐒𝐀𝐔𝐍 𝐊𝐎𝐌𝐔𝐍𝐈𝐃𝐀𝐃𝐄 𝐀𝐅𝐄𝐈𝐓𝐀𝐃𝐔 𝐇𝐔𝐒𝐈 𝐊𝐎𝐍𝐒𝐓𝐑𝐔𝐒𝐀𝐔𝐍 𝐄𝐒𝐓𝐑𝐀𝐃𝐀 𝐋𝐀𝐆𝐀-𝐁𝐀𝐆𝐔𝐈𝐀 𝐍𝐎 𝐔𝐀𝐈𝐀𝐊𝐀-𝐊𝐄𝐋𝐈𝐊𝐀𝐈-𝐎𝐒𝐒𝐔

𝘿𝙞𝙡𝙞, 20 Dezembru 2022: Ministru Obras Públikas (MOP), Eng. Abel Pires da Silva, liuhosi enkontru iha salaun enkontru DJHU, Mandarin, Dili, orienta Diresaun Jerál Habitasaun no Urbanízmu (DJHU) bele hahú ona halo pagamentu ka indiminizasaun ba komunidade afeitadu husi konstrusaun estrada munisipál husi postu administrativu Laga ba Baguia no husi Uaiaka ba postu Kelikai to’o Samarogo, suku Nahareka, postu administrativu Ossu, munisípiu Vikeke nian.

Atu fasilita prosesu pagamentu ne, MOP asina ona MOU ho BNCTL hodi halo pagamentu ba komunidade sira nebe afetadu. Pagamentu sei halai husi BNCTL kuandu lista afetadu sira kompletu ona.

Sr. Ministru hatete, presiza halo ona pagamentu ba komunidade afeitadu atu nune’e, bainhira kompañia konstrutór mobiliza hotu ona ekipamentu pezadu, bele hahú ona konstrusaun ba estrada munisipál importante rua ne’e.

Ekipa sira resentelmentu nian informa katak, daudauk ne’e komunidade afeitadu husi projetu estrada husi Uaiaka-Kelikai-Ossu daudauk ne’e hela família 18 mak seidauk asina deklarasaun, barak mak asina ona no husi Laga-Baguia nian daudauk ne’e ekipa sei iha tereñu halo aprosimasaun ho komunidade afeitadu hodi asina mós deklarasaun antes Governu halo pagamentu.

Projetu estrada munisipál Laga-Baguia no Uaiaka-Kelikai-Ossu, Governu lansa ona iha loron 9 fulan-Dezembru tinan 2022.

Projetu ne'e rehabilita husi kompañia Internasionál Norinco International Cooperation LDA. Projetu ne'e orsamentu montante hamutuk dólar amérikanu $21.695.194.98 ba durasaun fulan 24. Estrada ne'e sei hadi’ak ho luan metru 7, ho pakóte alkatraun metru 4, alargamentu metru 1. Hetan suprevizaun husi Kompañia PT. Inacon Luhur Pertiwi, JV Kai Watu Kmanek Consultant, Unip. Lda, no PT Sinotech Engineering Indonesia.

Ba konstrusaun projetu estrada munisipál ne'e ho nia distánsia Kilometru 22+700. Estrada ne'e sei konstrui husi kompañia Internasionál husi Xina, Chongqing International Construction Corporation (CICO), ho montante orsamentu hamutuk $16.547,661,76, ba durasaun fulan 18 (Tinan 1 fulan 6).

Aliende atualiza progresu sira ne’e, DJHU mós informa kona-ba progresu resentelmentu ba komunidade afeitadu husi konstrusaun estrada sira iha kapitál Dili.

Enkontru ne’e partisipa direita husi Diretór Jerál Habitasaun no Urbanízmu (DJHU), Sr. Roger Tertuliano Belo, ho nia diretór nasionál no tékniku sira.

#Media_MOP