𝐌𝐎𝐏 𝐅Ó 𝐊𝐎𝐍𝐅𝐈𝐀𝐍𝐒𝐀 𝐁𝐀 𝐈𝐉𝐄-𝐀𝐃𝐈.𝐈𝐏 𝐇𝐀𝐋𝐎 𝐌𝐀𝐍𝐔𝐓𝐄𝐍𝐒𝐀𝐔𝐍 𝐁𝐀 𝐄𝐒𝐓𝐑𝐀𝐃𝐀 𝐃𝐈𝐋𝐈 𝐋𝐀𝐑𝐀𝐍

𝘿𝙞𝙡𝙞, 17 Novembru 2022: Ministru Obras Públikas (MOP), Eng. Abel Pires da Silva, hahtete Ministériu Obras Públikas fó konfiansa ba Institutu Jestaun Ekipamentus Apoiu Dezenvolvimentu Infraestrutura Institutu Públiku (IJE-ADE.IP) hodi halo manutensaun ba estrada att sira iha kapitál Dili.

"Agora daudaun iha Dili laran IGE-IP maka agora halo hela survey ba estragus kiik-oan sira iha Dili laran, sira sei halo intervensaun tamba sira-nia Dekretu-Lei ita altera tiha ona, sira-nia kompeténsia ita aumenta tan ona, estrada att kiik-oan sira ne'e mós sira bele hadi'ak ona no mós irigasaun, ne'ebé IJE iha ona kompeténsia ba ida-ne'e maibé ne'e seidauk to'o fulan ida, orsida ami sei halo kontratu ho Ministériu Obras Públikas, para sira bele halo implementasaun lalais, ha'u heree ona iha fatin balun sira halo ona edentifikasaun. See iha ona identifikasaun ita halo kalkulasaun depois selebra kontratu ho IJE para halo daudauk ona", Sr. Ministru Obras Públikas informa ba jornalista sira iha Parlamentu Nasionál bainhira partisipa debate Proposta Orsamentu Jerál Estadu (OJE) tinan fiskál 2023.

Sr. Ministru hatete, kona-ba kondisaun estrada sira ne'ebé att, "Agora iha faze identifikasaun hela, daudaun ne'e ita orienta hela iha Dili laran, importante maka estrada protokolu sira, husi Aeroportu to'o Metiaut, tamba ita-nia na'i Primeiru-Ministru no mós Ita-nia na'i Prezidente Repúblika mós hela iha ne’eba, nee primeiru, pois tuir tan estrada boboot sira iha Dili laran ne'ebé makal komesa att ki'ik komesa barak, ami sei halo. La'os kompañia mais asina kontratu ho IJE, agora daudauk nia naran sai ona, IJE-ADI-IP-Institutu Jestaun no Ekipamentu Apoiu Dezenvolvimentu Infraestrutura, Institutu Públiku, (IJE-ADI-IP)".

Kona-ba orsamentu ba manutensaun sira ne'e, Sr. Ministru hatete "Bazeia ba identifikasaun sira survey hela, ha'u antisipa pruvolta millaun $2 ou $3, mais ne'e tamba projetu ki'ik- ki'ik-oan, kontinua aumenta, ita hein lai, agora daudauk hein sira halo hotu identifikasaun depois lori ba aprezentasaun, depois ita implementa".

#Media_MOP