𝐊Á𝐌𝐀𝐑𝐀 𝐊𝐎𝐍𝐓𝐀𝐒 𝐅Ó 𝐎𝐍𝐀 𝐕𝐈𝐒𝐓𝐔 𝐁𝐀 𝐊𝐎𝐍𝐒𝐓𝐑𝐔𝐒𝐀𝐔𝐍 𝐄𝐒𝐓𝐑𝐀𝐃𝐀 𝐋𝐀𝐆𝐀-𝐁𝐀𝐆𝐔𝐈𝐀, 𝐒𝐄𝐈 𝐋𝐀𝐍𝐒𝐀 𝐈𝐇𝐀 𝐓𝐄𝐌𝐏𝐔 𝐁𝐀𝐃𝐀𝐊

𝘿𝙞𝙡𝙞, 23 Novembru 2022; Ministru Obras Públikas (MOP), Eng. Abel Pires da Silva, iha Kuarta-feira ne'e simu ona vistu ikus husi Kámara Kontas (Camara das Contas), ba projetu rehabilitasaun estrada munisipál husi postu administrativu Laga ba postu administrativu Baguia nian.

Entertantu Ministériu Obras liuhosi Diresaun Jerál Obras Públikas (DJOP) husi Diresaun Nasionál Estrada, Ponte Kontrolu i Seias (DNEPCC, sígla Portugués) halo ona preparasaun hodi lansa projetu ne'e iha tempu badak. Nune'e mós ba projetu rehabilitasaun ba estrada Uaiaka-Kelikai-Ossu hafoin hetan vístu husi Kámara Kontas.

Dokumentu ba projetu estrada Laga-Baguia MOP haruka kedas ba Kámara Kontas hafoin Sr. Ministru Obras Públikas, Eng. Abel Pires da Silva, asina kontratu ne'e iha loron 24 fulan-Outubru 2022 liubá.

Rehabilitasaun ba estrada munisipál trosu Laga-Baguia ho distánsia kilómetru 38+030, manán ona tenderizasaun husi kompañia Internasionál Norinco Corporation Lda, ho nia montante orsamentu $21,695,194,98.

#Media_MOP