DILI, 22 MARSU 2022: Ministru Obras Públikas (MOP), Eng. Abel Pires, hamutuk ho membru Governu Konstitusionál daualu (VIII) nian, Ministru Justisa (MJ), Sr. Tiago Sarmento Amaral, Vise-Ministru Finansas (MF), Sr. António Freitas, Sekretáriu Estadu Asuntu Veteranu Libertasaun Nasionál (SEAVLN) Sr. Júlio da Conceição ‘Loro Mesak’ iha Tersa-feira ne’e simu posse husi Prezidente Repúblika (PR), Sr. Francisco Guterres Lú Olo, iha Palásiu Prezidensiál, Bairru Pité, Dili.
Xefe Governu fó posse ba membru Governu foun na’in haat ne’e bazeia ba proposta Primeiru Ministru (PM), Jenerál Taur Matan Ruak, nian.
Membru VIII Governu Konstitusionál foun hirak substitui membru Governu sira hanesan, Ministru Justisa foun, Sr. Tiago Sarmento Amaral, substitui ministru sesante Sr. Manuel Carceres, Ministru Obras Públikas Eng. Abel Pires, substitui ministru sesante, Arq. Salvador Eugénio Soares dos Reis Pires, Vise-Ministru Finansas foun Sr. António Freitas, substitui vise ministra sesante, Sra. Sara Lobo Brites, no Sekretáriu Estadu Asuntu Veteranu Libertasaun Nasionál Sr. Júlio da Conceição ‘Loro mesak’, substitui sekretáriu estadu sesante, Gil da Costa ‘Oan Soru’.
Serimonia tomada de posse ne’e partisipa husi Primeiru Ministru (PM) Jenerál Taur Matan Ruak, rasik, Prezidente Tribunál Rekursu (TR), Sr. Deolindo do Santos, membru Governu, membru Parlamentu Nasionál, eis titulares, komandante husi FALINTIL Forsa Defeza Timor-Leste (F-FDTL) no Polísia Nasionál Timor-Leste(PNTL), korpu diplomátiku no konvidadus sira.
#Media_MOP
0 Comments:
Posting Komentar