 |
Ministru Obras Públikas, Arq. Salvador Eugénio Soares dos Reis Pires, foto hamutuk ho komunidade suku Husikai, hafoin kampaña vasinasaun iha suku refere. (Foto/MOP)
"Governu ne'e hadomi imi, hadomi nia povu tanba ne'e Sr. Primeiru Ministru Jeneral Taur Matan Ruak haruka ha'u Ministru Obras Pùblikas mai to'o imi hodi ko'alia kona-ba vasinasaun ho ita-boot sira. Ha'u husu ba inan aman sira, naan feton sira tenke vasina, tanba vasina mak bele proteze ita husi virus Covid-19 ne'e. Labele fiar ema hirak ne'ebé politizasaun husi vasina ne'e rasik. Iha mundu tomak afeita ba moras Covid-19 la'os ita mesak de'it, Organizasaun Mundiál Saùde iha tinan kotuk iha Marsu 2020 deklara katak moras ne'e moras pandémia signifika katak moras ne'e moras ne'ebé afeita ema barak iha mundu, agora Timor iha teritóriu tomak rihun 19, horbainhirak ha'u mai semana kotuk ema mate 114, agora sa'e ba 119 no kuaze 93% ne'e ema sira ne'ebé vasina dala ida ou la vasina liu, tanba saida mak vasina ne'e importante, vasina ne'e atu hasa'e ita-nia imunidade tanba saida, moras iha Covid-19 ne'e nia kauza ne'e husi virus, virus ne'e laiha aimoruk, so vasinasaun ne'e mak hasa'e ita-nia imunidade. Ha'u fó ezemplu apa-ama sira naan no feton sira, bainhira ita sei ki'ik ama-apa sira lori ita ba vasina iha Puskesmas, vasinasaun ne'ebé ita hetan sei ki'ik mak saida, vasinasaun ba sarampu ida tasak ne'e (cacar air) agora entre labarik sira ne'ebé simu ho labarik sira ne'ebé la simu, ita la simu sarampu ne'e kona oin sira ne'e att hotu, agora ida simu ne'e nia kona nafatin nia la att ita bele sura ho liman musan hira de'it, tanba cacar air ne'e mós virus hotu, ne'e signifika saida, aimoruk laiha vasinasaun ne'e para hasa'e ita-nia imunidade kuandu ita hetan karik ita la lori susar ba ita ka la mate liu, tanba see ita-boot sira la sona imunidade laiha Covid-19 ne'e kona ita-boot sira bele mate liu," Sr. Ministru Obras Pùblikas hato'o ba komunidade sira iha suku Husikai, postu administrativu Zumalai, munisípiu Kovalima.
Sr.
Ministru hatutan "Governu ne'e hadomi nia povu, hakarak salva nia povu
tanba ne'e S. Exa, Primeiru Ministru, Taur Matan Ruak dehan ministru sira imi
para imi-nia servisu lai, ha'u la'os Ministru Saude, ha'u Ministru Obras
Publikas maibé ohin ita husik hela ita hakarak salva lai ita-nia povu sira
ne'e, buat hotu ita bele halo maibé salva uluk lai ita-nia povu, tanba saida,
kuandu ita mate ne'e hotu ona, buat ida eletrisidade, estrada, bee ne'e ema
moris nian tanba ne'e ita moris uluk lai mak ita husu ba Governu ga, lae
ita-nia toos, ita-nia animál, ita-nia oan ki'ikoan sira ne'e see mak atu haree
fali, ita mate ita husik hela".
Sr.
Ministru fiar katak komunidade balun lakohi no ta'uk simu vasina tanba rona
informasaun falsu oioin ne'ebé dehan Covid ne'e polítika de'it, ita vasina ne'e
horsida ita mate sedu, ita vasina ita bele mate liu, feto ho mane kiuk oan
laiha, vasina ne'e ladi'ak ba ama sira fó susu, ama sira isi rua, ne'e laloos,
laiha Governu ida mak hanoin att ba nia povu.
Iha
fatin hanesan administradór postu Zumalai, Sr. Rui dos Santos, hatete
"Relasiona ho Sr. Ministru la'o ida agora ne'e kona-ba Moras Covid-19 ne'e
la'os akontese iha Timor-Leste de'it mais akontese iha mundu tomak, no hamate
ema barak liu tanba ne'e ita-nia estadu, ita-nia Governu prevene buat sira ne'e
hotu nune'e povu Timor-Leste labele mate hanesan iha nasaun seluk, tanba ne'e
mak Governu iha planu tuun iha Husikai ida ne'ebé mak lamerese ministru atu
tuun maibé ohin Timor ukun-an Ministru hakat mai iha Husikai, uluk Indonézia
nian karik Ministru mai para iha Suai de'it, para iha Zumalai de'it mais ohin
lae, Ministru hakat mai to'o iha Husikai ne'ebé mak iha fronteira ho Ainaro ho
ninia kondisaun ne'ebé mak ohin ami ultrapasa mai S. Exa mós sente no haree
kedas tanba ne'e hadomi povu, hadomi nia ema sira atu labele mate".
Xefe
Suku Husikai, Sr. António da Silva, ho kontenti no agradese tanba suku Husikai
bele hetan vizita husi Sr. Ministru Obras Pùblikas tanba durante ne'e seidauk
iha membru Governu ida mak vizita suku Husikai tanba dook husi postu Zumalai no
kondisaun estrada ladi'ak.
"Ohin
loron ami fó agradese wain ba Ministru Obras Públikas ne'ebé ohin loron halo
esforsu-an hakat mai to'o iha fatin ida ne'ebé mak na'i ulun sira hotu bele
ukun maibé dalaruma atu mai la mai, sente laran ne'e todan ho razaun bazeia
badistánsia ne'ebé mak ohin loron ita hotu hatene tuir. Ami komunidade Husikai
agradese no kontenti tanba Sr. Ministru bele mai to'o iha ami-nia fatin,"
xefe suku agradese.
Sr.
Ministru Obras Públikas hala'o viajen durante óras 2 ho balun husi Suai to'o
suku Husikai hodi hala'o kampaña vasinasaun iha suku refere.
Hafoin
kampaña vasinasaun, Sr. Ministru akompaña pesoál saùde liña frente sira halo
kedas vasinasaun, komunidade ne'ebé simu ona doze dahuluk kontinua kedas doze
daruak no barak ne'ebé seidauk simu vasina simu vasina doze dahuluk.
Kampaña
vasinasaun ne'e Sr. Ministru akompaña husi Diretór Jerál Administrasaun no
Finansas (DJAF), Sr. Januário Aparício Barbosa, Administradór portu
administrativu Zumalai, Sr. Rui dos Santos, parte saude munisípiu Kovalima no
postu administrativu Zumalai, parte Polísia Nasionál Timor-Leste (PNTL) Zumalai
nian, inklui ekipa liña frente hodi fó vasinasaun ba komunidade iha suku
Husikai.
Hafoin
kampaña vasinasaun iha suku Husikai, Sr. Ministru akompaña husi nia ekipa
kontinua hala'o kampaña vasinasaun iha suku Mape, postu Zumalai, munisípiu
Kovalima nian.
#Media_MOP
0 Comments:
Posting Komentar