MOP OBSERVA SERVISU EKIPA BTL,E.P DADA BEE-MOOS IHA PONTI-NAMORADO TAIBESSI
DILI, 04 SETEMBRU 2021: S. Exa,
Ministru Obras Públikas (MOP), Arq. Salvador Eugénio Soares dos Reis Pires,
akompaña husi Prezidente Bee Timor-Leste Empreza Públika (BTL,E.P), Sr. Carlos
Peloi dos Reis, observa direita servisu ekipa tékniku Dirasaun Operasaun
Manutensaun BTL,E.P nian ne'ebé dada bee-moos ho ligasaun foun ba komunidade
iha área Ponti-Namorado Taibessi, Dili.
Ligasaun foun ne'e ekipa tékniku dada
kanu poliu ho distánsia 300 metrus, no medida 4 ins, inklui sei instala foun
tan hodi distribui bee-moos ba komunidade iha área refere hodi rezolve problema
ligasaun ilegál husi komunidade sira.
Iha observasaun ne'e, Sr. Ministru
husu ba ekipa tékniku BTL,E.P nian kontinua halo servisu, atende nesesidade
bee-moos ba komunidade iha área refere, liuliu liga bee-moos ba komunidade hodi
hamenus ligasaun ilegál ne'ebé bele prezudika komunidade seluk la asesu ba
bee-moos. Husu mós ba komunidade atu apoiu servisu ekipa tékniku sira-nian,
nune'e ekipa tékniku bele finaliza servisu iha área refere ho di'ak.
Komunidade iha área refere prontu
kontribui no apoiu servisu ekipa BTL,E.P nian tanba durante ne'e komunidade
susar tebes asesu ba bee-moos.
0 Comments:
Posting Komentar