MOP HATO’O PROFUNDA SENTIDU KONDOLÉNSIA BA FALESIMENTU SAUDOZU MA’HUNO BULEREK KARATHAYANO

MOP HATO’O PROFUNDA SENTIDU KONDOLÉNSIA BA FALESIMENTU SAUDOZU MA’HUNO BULEREK KARATHAYANO

DILI, 25 SETEMBRU 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, no S. Exa, vise Ministru Obras Públikas (V-MOP). Eng. Nicolau Lino Freitas Belo, hamutuk ho funsionáriu tomak iha Ministériu Obras Públikas hato’o profunda sentidu kondolénsia ba família saudozu eis Komandante FALINTIL, José António Gomes da Costa aliás ‘Ma’huno Bulerek Karathayano’ ne’ebé hakotu iis iha loron 24 fulan-Setembru tinan 2021, iha Hospitál Nasionál Guidu Valadares (HNGV), Dili.

Ma’huno moris iha Laleia/Manatuto loron 14 Abril tinan 1949 no hakotu iis iha loron 24 fulan-Setembru tinan 2021.

#Deskansa_ho_Hakmatek

Read More

STATEMENT BY H.E. ARQ. SALVADOR PIRES MINISTER OF PUBLIC WORKS OF THE DEMOCRATIC REPUBLIC OF TIMOR-LESTE

STATEMENT BY  H.E. ARQ. SALVADOR PIRES MINISTER OF PUBLIC WORKS OF THE DEMOCRATIC REPUBLIC OF TIMOR-LESTE

AT THE HIGH-LEVEL DIALOGUE ON ENERGY ON THE IMPLEMENTATION OF THE ENERGY RELATED GOALS AND TARGETS (SDG7) OF THE 2030 AGENDA FOR SUSTAINABLE DEVELOPMENT GOALS

76^th SESSION OF THE UNITED NATIONS GENERAL ASSEMBLY

FRIDAY, 24 SEPTEMBER 2021

Excellency the Secretary General of the United Nations

Excellency the President of the General Assembly

Excellency Chairman of the Assembly

Representatives of the Member States

Distinguished Delegates

Ladies and Gentlemen

It is a great honour to represent the Government of Timor-Leste participating in this High-Level Dialogue on Energy to share our progress, challenges and commitments towards achieving Sustainable Development Goal No.7.

The Government, led by His Excellency Prime Minister Taur Matan Ruak, is committed to continue improving electricity infrastructures and investing in renewable energy.

Timor-Leste has made significant progress in the electricity sector over the last eight years.

Firstly, Access to electricity has increased significantly. The 2018 World Bank data report shows that over 89% population has access to electricity. 85% of villages have been electrified and the remaining is expected to be completed by the end of 2023.

Secondly, The Government has invested significantly in improving the electricity infrastructures.

Over US$1.2 billion has been invested in the construction of power plants, substations, transmission and distribution lines.

A major institutional reform was introduced in 2020 to set up an autonomous public utility and a regulatory body with the aim to better manage and upgrade the electricity service.

Thirdly, the Government is committed to provide more reliable, affordable and sustainable energy in near future.

Besides the conversion of current diesel power plants to natural gas, the government is preparing a tender for 100 MW solar parks to supply more than half of the country’s current energy demand.

And, has conducted a feasibility study of surface water with a viability of 50 MW hydro-power. Remote areas will be powered through the use of individual home solar panel system and off grid mini solar parks. Thus, energy costs and CO2 omissions will be reduced significantly. Also, a further upgrade by digitalizing the existing distribution grid is being prepared to improve the power feed reliability.

Despite the progress, many challenges still remain,

Limited resources affect the efficiency and sustainability of the service.

The reliance on fossil fuel at present brings high financial and environmental consequences.

And, Covid-19 pandemic affects the sector’s development progress.

Nevertheless, the government is committed to,

Continuing to value regional and international partnerships in the efforts to achieve SDG No.7. Establishing an integrated energy investment plan to ensure that no one is left behind.

And, finally continue to endeavour all policies and investments directed towards supporting renewable and clean energy contributing to protecting our planet for future generation.

THANK YOU VERY MUCH

Read More

MOP PARTISIPA SERIMÓNIA ISAR BANDEIRA MEIA HASTE FÓ HOMENAJEN BA SAUDOZU MA’HUNO BULEREK KARATHAYANO

MOP PARTISIPA SERIMÓNIA ISAR BANDEIRA MEIA HASTE FÓ HOMENAJEN BA SAUDOZU MA’HUNO BULEREK KARATHAYANO

DILI, 25 SETEMBRU 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, partisipa iha serimónia isar bandeira Meia Haste hodi fó homenajen ba Saudozu José António Gomes da Costa kódigu ‘Ma’huno Bulerek Karathayano’, iha Pálasiu Governu, Dili.

Serimonia isan bandeira ne’e prezide husi S. Exa, Primeiru Ministru (PM), Sr. Taur Matan Ruak, no partisipa husi membru Governu, inklui funsionáriu sira.

Saudozu, Ma’huno Bulerek Karathayano, hakotu iis iha loron 24 fulan-Setembru tinan 2021, iha Hospitál Nasionál Guidu Valadares (HNGV), Dili.

Antes ne’e, Konsellu Ministrus aprova ona votu pezar no aprova Rezolusaun Governu ne’ebé dekreta lutu nasionál, ba falesimentu husi Ma’Huno Bulerek Karathayano, antigu Komandante FALINTIL nian, ex-Sekretáriu Komisaun Diretiva FRETILIN nian no atualmente Primeiru-Vise-Prezidente Partidu CNRT.

Lutu nasionál ne’e iha teritóriu nasionál tomak, ba períodu loron tolu, husi tuku 8:00 loron 25 fulan-setembru to’o tuku 07:59 loron 28 fulan-setembru.

Durante periodu lutu nasionál bandeira nasionál sei hasa’e to’o ai-rin klaran de’it (meia haste), iha nasaun laran tomak iha fatin sira ne’ebé maka obrigatóriu tenke uza, inklui iha misaun diplomátika sira.

#Media_MOP

 

Read More

KONSELLU MINISTRU APROVA TETU AGREGADU NO DEZAGREGADU HUSI OJE 2022 HO MONTANTE BILLAUN $1.675

KONSELLU MINISTRU APROVA TETU AGREGADU NO DEZAGREGADU HUSI OJE 2022 HO MONTANTE BILLAUN $1.675

DILI, 24 SETEMBRU 2021: S. Exa, Ministru Obras Publikas (MOP), Arq. Salvador Eugénio Soares dos Reis Pires, Sesta-feira ne'e partisipa iha reuniaun Konsellu Ministru extraordinária ne'ebé lidera husi S. Exa, Primeiru Ministru (PM), Sr. Taur Matan Ruak, iha Palásiu Governu, Dili.

Iha Konsellu Ministrus ne'e aprova ona votu pezar no aprova Rezolusaun Governu ne’ebé dekreta lutu nasionál, ba falesimentu husi Ma’Huno Bulerek Karathayano, antigu Komandante FALINTIL nian, ex-Sekretáriu Komisaun Diretiva FRETILIN nian no atualmente Primeiru-Vise-Prezidente Partidu CNRT. Lutu nasionál ne’e iha teritóriu nasionál tomak, ba períodu loron tolu, husi tuku 8:00 loron 25 fulan-setembru to’o tuku 07:59 loron 28 fulan-setembru. Durante periíodu lutu nasionál bandeira nasionál sei hasa’e to’o ai-rin klaran de’it (meia haste), iha nasaun laran tomak iha fatin sira ne’ebé maka obrigatóriu tenke uza, inklui iha misaun diplomátika sira.

Konsellu Ministrus aprova mós tetu agregadu no dezagregadu husi Orsamentu Jerál Estadu (OJE) tinan 2022 nian, ne’ebé aprezenta husi S. Exa, Ministru Finansas, Sr. Rui Augusto Gomes.

Tetu agregadu iha montante totál, dolar amerikanu billaun 1,675 hodi kobre ba nesesidade sira husi programa no prioridade nasionál sira ne’ebé define ona husi Governu Konstitusionál VIII.

Governu Konstitusionál VIII defini ona prioridade nasionál neen ba OJE tinan 2022:

1) dezenvolvimentu kapitál umanu (edukasaun, formasaun profisionál no saúde);

2) abitasaun no inkluzaun sosiál;

3) setór produtivu sira (agrikultura no turizmu), ambiente no konektividade,

4) dezenvolvimentu setór públiku;

5) dezenvolvimentu rurál ; no

6) governasaun di’ak.

Husi montante totál OJE 2022, millaun 233 korresponde ba saláriu no vensimentu, millaun 449,8 refere ba beins no servisu sira, millaun 565,9 ba transferénsia públika sira, millaun 24,4 korresponde ba kapitál menór no millaun 401,7 ba kapitál dezenvolvimentu.

Konsellu Ministrus aprova ho alterasaun Dekretu-Lei kona-ba rejime remuneratóriu FALINTIL – Forsa Defeza Timor-Leste (F-FDTL) nian, ne’ebé aprezenta husi S. Exa, Ministru Defeza, Sr. Filomeno da Paixão de Jesus. Projetu ne’e halo aumentu salariál besik 5% iha postu militár sira hotu-hotu no halo atualizaun ba suplementu rumenatóriu sira.

Intervensaun lejizlativa ida-ne’e ho objetivu atu hetan karreira militár ne’ebé atrativa liu, ho kondisaun salariál ida tuir nia modernizasaun no profisionalizasaun husi Forsa Armada sira. Hakarak mós atu armoniza diploma ida-ne’e ho proposta alterasaun ba Estatutu Militár sira F-FDTL nian.

Aprova mós, ho alterasaun, projetu Dekretu-Lei kona-ba Rejime Remuneratótiu husi Polísia Nasionál Timor-Leste nian (PNTL), ne’ebé aprezenta husi S. Exa, Primeiru-Ministru no Ministru Interiór, Sr. Taur Matan Ruak no husi S. Exa, Vise-Ministru Interiór, Sr. António Armindo. Ho projetu ida-ne’e halo aumentu remuneratóriu globál sira ho valór 5% husi remunerasaun baze no halo atualizasaun ba suplementu remuneratóriu sira.

Ho intervensaun lejizlativa ne’e hakarak estimula membru PNTL sira ba prestasaun di’ak ida iha kumprimentu misaun polisiál nian, atu dignifika no hasa’e profisaun. Aleinde hadi’a remuneratóriu, halo tan ba armonizasaun sistema remuneratóriu PNTL nian, ho forsa seguransa sira seluk, ho hanoin aprosimasaun husi korrespondente nivel remuneratóriu sira.

Konsellu Ministrus delibera atu deklara ninia laiha objesaun ba troka nota diplomátika sira kona-ba akordu ho Governu Japaun, ba apoiu husi estadu japonés ba implementasaun husi projetu melloramentu Aeroportu Internasionál Prezidente Nícolau Lobato, tuir projetu ne’ebé aprezenta ona husi S. Exa, Vise-Ministru Negósius Estranjeirus no Kooperasaun, Sr. Julião da Silva. Ho akordu ne’e prevee katak Aeroportu Internasionál Prezidente Nícolau Lobato sei iha terminál pasajeiru modernu ida ho ninia área metru 11.653 kuadradu no edifísiu própiu ida ba estasaun enerjia nian.

Ikusliu, S. Exa, Ministru Administrasaun Estatál, Sr. Miguel Pereira de Carvalho no S. Exa, Sekretáriu Estadu Protesaun Sivíl, Sr. Joaquim José Gusmão dos Reis Martins, aprezentasaun opsaun sira ba medida sira realojamentu komunidade nian ne’ebé afetada husi inundasaun iha loron 4 fulan-abríl tinan 2021.

Husi Ema na’in 15.876 ne’ebé uluk hela ona iha sentru akollamentu 57 ne’ebé eziste ona iha sidade Dili, ema rihun 15 liu mak fila ona ba sira nia hela fatin ka família sira. Daudaun ne’e iha ema na’in 765 (137 família) maka sei hela iha sentru hitu ativu ne’e.

Konsellu Ministrus sei analiza filafali opsaun sira ne’e no delibera iha sorumutuk tuirmai.

#Media_MOP

Read More

CNA LOKE KONKURSU PÚBLIKU BA PROJETU REHABILITASAUN NO MANUTENSAUN ESTRADA RURÁL IHA AILEU

CNA LOKE KONKURSU PÚBLIKU BA PROJETU REHABILITASAUN NO MANUTENSAUN ESTRADA RURÁL IHA AILEU

DILI, 23 SETEMBRU 2021: Komisaun Nasionál Aprovizionamentu (CNA, sígla Portugés) loke konkursu públiku hodi konvida kompañia konstrusaun elejívek ne’ebé iha interese atu aprezenta proposta/bids ba projetu Rehabilitasaun no Manutensaun Estrada Rurál MOP-R4D iha munisípiu Aileu. Projetu sira mak hanesan tuir mai:

#Media_MOP

Read More

PMU ESTRADA ATUALIZA IMPLEMENTASAUN PROJETU IMPRÉSTIMU BA MOP

PMU ESTRADA ATUALIZA IMPLEMENTASAUN PROJETU IMPRÉSTIMU BA MOP

DILI, 24 SETEMBRU 2021: Jestór Unidade Manajementu Projetu (PMU) estrada, Sr. Sidónio da Costa Freitas, akompaña ho nia ekipa atualiza implementasaun projetu estrada husi fundu impréstimu ba S. Exa, Ministru Obras Públikas (MOP), Arq. Salvador Eugénio Soares dos Reis Pires, iha sala reuniaun edifísiu MOP, Kaikoli, Dili.

Enkontru ne’e partisipa husi asesór Gabinete MOP no tékniku sira husi PMU nian.

#Media_MOP

Read More

KONSTRUSAUN ESTRADA KASNAFAR-SARLALA, RETIFIKA DEZEÑU IHA ONA VERIFIKASAUN ADN

 KONSTRUSAUN ESTRADA KASNAFAR-SARLALA, RETIFIKA DEZEÑU IHA ONA VERIFIKASAUN ADN

DILI, 23 SETEMBRU 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, informa prosesu kontinuasaun ba konstrusaun estrada Kasnafar-Sarlala daudauk ne’e sei halo retifikasaun ba dezeñu bazeia ba estragus iha kalamidade 04 fulan-Abril tinan 2021. Dezeñu daudauk ne’e iha ona verifikasaun Ajénsia Dezenvolvimentu Nasionál (ADN).

“Ida Kasnafar to’o Sarlala, dezeñu kompletu tiha ona, depois de kalamidade 4 Abril, estragus boot liu ne’ebé dezeñu sira ne’e la kobre estragus sira ne’e entaun ita tenke retifika fali, retifikasaun la’o hela, agora ami haruka ona ba ADN verifika hela, para kuandu aprovasaun ADN iha ona ita lori ba KAFI (Konsellu Administrasaun Fundu Infraestrutura) aprova, aprova tiha ba fali CNA (Komisaun Nasionál Aprovizionamentu) para tender, ita-nia prosesu burokrasia mak hanesan ne’e, lae ema dehan la halo servisu, laiha, ne’e prosesu administrativa ne’e ami tenke halo uluk lai, kuandu fó ona mai obras mak ami ezekuta,”Sr. Ministru Obras Públikas informa ba jornalista sira, hafoin partisipa iha reuniaun Konsellu Ministru, iha Palásiu Governu, Dili.

Antes ne’e, Sr. Ministru Obras Públikas hala’o vizita traballu postu administrativu Laulara, munisípiu Aileu informa katak, konstrusaun estrada nasionál Kasnafar (estrada foun husi Kumoro mota ulun) to’o Sarlala, postu administrativu Laulara, munisípiu Aileu nia orsamentu tama iha Orsamentu Jerál Estadu (OJE) tinan fiskál 2021, maibé estrada refere hetan estragus barak husi kalamidade 04 fulan-Abril, nune’e tékniku sira presiza refitika nia dezeñu depois mak kontinua prosesu konstrusaun.

#Media_MOP

Read More

IJE ATUALIZA SERVISU NORMALIZASAUN MOTA BA MOP

IJE ATUALIZA SERVISU NORMALIZASAUN MOTA BA MOP

DILI, 23 SETEMBRU 2021: Prezidente Institutu Jestadu Ekipamentus Institutu Públiku (IJE,I.P), Sra. Hermenegilda da Costa Laurentina, atualiza servisu normalizasaun mota iha kapitál Dili liuliu iha área sira ne’ebé ameasa ba inundasaun ba S. Exa, Ministru Obras Públikas (MOP), Arq. Salvador Eugénio Soares dos Reis Pires, iha edifísiu MOP, Kaikoli, Dili.

Informa mós ba Sr. Ministru kona-ba ezekusaun orsamentu IJE nian ba sosa ekipamentu pezadu hodi apoiu servisu di’ak liután ekipa IJE nian normalizasaun mota, hasai sedimentasaun iha situasaun emerjénsia, inklui apoiu normaliza estrada no loke estrada foun ba komunidade.

Antes ne’e, iha loron 22 fulan-Setembru tinan 2021, Sr. Ministru Obras Públikas hetan intervista husi jornalista sira hafoin reuniaun Konsellu Ministru iha Palásiu Governu, Dili, kona-ba servisu MOP nian liuhosi IJE ba normalizasaun mota, hasai sedimentasaun, inklui konstrusaun barazen ka moru protesaun sira iha Dili laran.

“Klaru, Ministériu Obras Públikas liuhosi IJE atividade normál halo tiha ona, liuhosi IJE ita halo normalizasaun ba mota sira, agora ita-boot sira haree atividade la’o hela iha Bekussi, Lahane Orientál, hala’o uluk iha mota ulun mak tuun mai, hamoos hotu sedimentasaun sira, ida-ne’e mak ita halo. Aliende ne’e, tinan-tinan ita-boot sira haree ita limpeza drenajen sira iha Dili laran, ne’e hala’o hela husi BTL liuhosi kontratasaun ho emprezáriu sira para asegura katak ita-nia infraestrutura ezistente ne’ebé iha ne’e labele blokeiadu i laiha sedimentasaun para udan mai tuir nia volume ida dezeñu ba, nia bele soe bee la’o di’ak ba iha tasi, maibé kuandu ita-nia forsa natureza boot liu fali ita-nia kapasidade infraestrutura eziste, ne’e mak ita dehan kalamidade hanesan foin daudauk akontese,”Sr. Ministru esplika.

Daudauk ne’e, ekipa IJE halo normalizasaun no hasai sedimentasaun hahú husi mota-ulun sira iha kapitál Dili nian, ba drenajen iha kapitál Dili, Bee Timor-Leste Empreza Públika (BTL,E.P) iha kontratu ho kompañia sira kontinua hamoos, nune’e bainhira udan bee bele sulin ba tasi.

#Media_MOP

Read More

MOP ESPLIKA BUROKRASIA IMPLEMENTASAUN PROJETU LM NO FI, TENKE VERIFIKA HUSI ADN NO APROVA IHA KAFI, PRESIZA VONTADE INTERMINISTERIÁL

MOP ESPLIKA BUROKRASIA IMPLEMENTASAUN PROJETU LM NO FI, TENKE VERIFIKA HUSI ADN NO APROVA IHA KAFI, PRESIZA VONTADE INTERMINISTERIÁL

DILI, 22 SETEMBRU 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, esplika kona-ba prosesu implementasaun projetu sira ne’ebé nia orsamentu aloka ona iha Liña Ministériu (LM) no Fundu Infraestrutura (FI) tenke hetan verifikasaun husi Ajénsia Dezenvolvimentu Nasionál (ADN) no aprovasaun iha reuniaun Konsellu Administrasaun Fundu Infraestrutura (KAFI) ne’ebé lidera husi Prezidente KAFI mak S. Exa, Vise Primeiru Ministru no Ministru Planu Ordenamentu (V-PM no MPO), Sr. José Maria dos Reis.

Implementasaun projetu infraestrutura presiza mós vontade interministeriál no tenke iha mós limitasaun tempu hodi fasilita prosesu servisu administrativu hakat ba implementasaun projetu tuir planu no programa anuál iha Orsamentu Jerál Estadu (OJE).

“Klaru katak Governu nia funsionamentu hanesan ne’e, MOP nia orsamentu, normalmante ne’e iha orsamentu Liña Ministériu no mós Fundu Infraestrutura, agora Liña Ministeriál ne’e ba liu manutensaun estrada liuliu estrada rurál sira ne’e, projetu ki’ikoan-ki’ikoan ne’ebé millaun $1 mai kraik, ne’ebé kuaze ami promove hotu ona, balun iha faze mobilizasaun, balun kontratasaun kuaze prosesu tenderizasaun sira ne’e hotu ona. Ita-boot sira hatene katak lala’ok ita-nia Governu nian, Burokrasia ne’ebé iha apezar de área kompeténsia estrada ne’e Obras Públikas nian, kuandu orsamentu Fundu Infraestrutura tantu Liña Ministériu ADN tenke verifika, iha Fundu Infraestruturas, KAFI tenke fó aprovasaun lai molok lori ba Komisaun Nasionál Aprovizionamentu (CNA) hodi loke tenderizasaun, depois de prosesu administrativa sira ne’e hotu, fó mai Ministériu Obras Públikas mak ami ezekuta, ne’ebé prosesu administrativa sira ne’e fora de kontrolu ami-nian, Ami-nia preokupasaun hanesan ita-boot sira-nia katak planu sira hanesan orsamentál ne’ebé mak halo tinan ne’e ita hakarak ezekuta, enkuantu ita seidauk pasa prosesu administrativa sira ne’e, ezekusaun labele la’o, kuandu fó ona mai MOP ita bele sura ona ami komesa ezekuta,” Sr. Ministru Obras Públikas esplika ba jornalista sira, hafoin partisipa reuniaun Konsellu Ministru iha Palásiu Governu, Dili.

Sr. Ministru afirma, burokrasia sira ne’e di’ak para garante transparánsia iha ezekusaun orsamentu FI no LM ba projetu sira maibé presiza mós iha limitasaun tempu ba verifikasaun iha ADN no aprovasaun iha KAFI nune’e projetu sira ne’ebé preparadu ona no nia orsamentu alokadu ona bele ezekuta iha tinan fiskál ida nia-laran.

“Burokrasia sira ne’e, simm di’ak para ba Check and Balance maibé tenke iha mós limitasaun tempu, ida-ne’e presiza iha mós vontade interministeriál liuliu para bele fasilita prosesu servisu administrativu sira, preparativu sira para ita bele avansa ona ba ezekusaun, ida-ne’e mak ita-nia funsionamentu Governu nian ne’ebé públiku tenke hatene,”Sr. Ministru afirma.

PROJETU EMERJÉNSIA BA REKOPERASAUN ESTRAGUS IHA KALAMIDADE 04 ABRIL

Kona-ba prosesu rekoperasaun estrada no ponte ne’ebé hetan estragus husi kalamidade 04 Abril, Sr. Ministru informa, ekipa Task Force ne’ebé lidera husi Dr. Benjamin Hopffer Martins, mak halo mitigasaun ba estragus iha kalamidade 04 Abril.

Antes ne’e, Sr. Ministru Obras Públikas delega ona kompeténsia ba S. Exa, Vise Ministru Obras Públikas (V-MOP), Eng. Nicolau Lino Freitas Belo), hodi asina projetu sira ne’ebé nia montante millaun $1 mai kraik, inklui projetu rekoperasaun 04 Abril nian. Aliende ne’e, Sr. Ministru mós delega kompeténsia ba Sr. Vise Ministru reprezenta partisipasaun iha reuniaun KAFI.

“Maske área ne’e área kompeténsia Ministériu Obras Públikas nian, iha ona Ekipa Task Force ne’ebé atribuidu ho servisu ne’e, preparativus sira ne’ebé presiza sira aprezenta ba KAFI i fundus ne’e iha Fundus Infraestrutura, hanesan ohin ha’u hatete, Fundus Infraestruturas iha nia lala’ok sira ne’e, verifikasaun, aprovasaun KAFI bolok ba iha prosesu aprovizionamentu, ne’ebé fora husi kontrolu Ministériu Obras Públikas, ha’u so apezar hetan relatóriu kona-ba sasán sira ne’ebé mak la’o hela, Dr. Benjamin mak agora lidera hela ekipa. Diresaun Jerál Obras Públikas, ADN no seluk tan konstitui husi membru sira husi ekipa Task Force, foin daudauk see la sala horseik, Sr. Vise Ministru Obras Públikas ne’ebé ha’u atribui para haree, fó delegasaun kompeténsia ba asuntu sira liga ho kalamidade millaun $1 mai kraik, nia atu tama ona kontratu ho empreza sira depois de prosesu aprovizionamentu ba iha lokalizasaun haat (4), iha Bidau, iha Tibar nian, Moru sustentasaun Maloa nian, no mós Ponte ki’ikoa ida iha Ailok-Laran nian, 4 ne’e mak sei halo uluk, sira seluk ne’e sei iha prosesu preparativus,” Sr. Ministru haktuir.

Sr. Ministru haktuir, “Relatóriu ne’ebé tama ita iha estrutura simples pruvolta 54 lokalizasaun depois 40 resin ne’e estrutura kompleksas, ne’ebé preparatrivus ne’e ekipa Task Force halo ona, no foin daudauk ne’e ha’u deside halo tan rekrutamentu, deside halo despaxu ida tan para atu akumula enjinéiru sira iha Ministériu Obras Públikas nian rasik, no mós halo tan rekrutamentu ba enjinéiru tékniku sira para ajuda hodi produs planeamentu ba mitiga estragus sira ne’ebé mak akontese iha 04 Abril ne’e, atu ajuda tan ekipa Task Force ne’ebé S. Exa, Sr. Primeiru Ministru estabelese, ida-ne’e mak ita-nia esforsu”.

KONSTRUSAUN PONTE BEKUSSI FOUN

Kona-ba prosesu konstrusaun ba Ponte Bekussi foun, Sr. Ministru afirma “Prosesu dezeñu, agora verifikasaun husi ADN foin daudauk semana rua ka tolu liuba ami simu ona agora atu tama kontratasaun, espera katak semana oin ami bele aprezenta ona nia dezeñu konsepsuál, i fim de Outubru hanesan ne’e bele lori ba KAFI para atu halo aprovasaun, halo tenderizasaun ba halo ponte Bekussi foun”.

Iha loron 20 fulan-Setembru, Sr. Vise Ministru Obras Públikas selebra ona kontratu ho kompañia 4 hodi implementa projetu emerjénsia mak hanesan tuir mai:

1. Empreza Sali Magu Unipessoal, Lda, halo konstrusaun ba moru protesaun ba mota Tibar.

2. Santana Diak Unipessoal, Lda, halo konstrusaun ba Moru Protesaun iha Mota Bidau, Toko Baru.

3.  Holgapa, Lda,  halo konstrusaun ba moru protesaun Mota Maloa (Concrete Retaining Wall Protection of Maloa River).

4. Chegue-rau, Lg, Lda, halo konstrusaun foun ba box culvert iha Ailok Laran.

#Media_MOP

Read More

MOP NO MESSK ATUALIZA PROSESU HARII SIDADE UNIVERSIDADE AILEU BA PM

MOP NO MESSK ATUALIZA PROSESU HARII SIDADE UNIVERSIDADE AILEU BA PM

DILI, 22 SETEMBRU 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, ho S. Exa, Ministru Ensiñu Superiór Siénsia no Kultura (MESSK), Sr. Longuinhos dos Santos, atualiza prosesu harii Sidade Universidade Aileu ba S. Exa, Primeiru Ministru (PM), Sr. Taur Matan Ruak, iha Palásiu Governu, Dili.

Iha enkontru ne’e, Sr. Ministru MESSK halo aprezentasaun prelimináriu ida ba Sr. Primeiru Ministru kona-ba rezultadu estudu viabilidade no iha ona dezeñu finál ne’ebé viável ba Sidade Universidade Aileu nian, no sei iha prosesu preparasaun Bill of Quantity (BoQ).

Ba faze konstrusaun sei halo uluk libertasaun tereñu, fó indiminzasaun ba komunidade afeitadu sira antes lansamentu fatuk dahuluk ba projere refere.

#Media_MOP

Read More

KONSELLU MINISTRU DESIDE HAKOTU IMPOZISAUN SERKA SANITÁRIA IHA BAUKAU, ERMERA NO KOVALIMA, DILI MANTEIN TO’O LORON 29 SETEMBRU

KONSELLU MINISTRU DESIDE HAKOTU IMPOZISAUN SERKA SANITÁRIA IHA BAUKAU, ERMERA NO KOVALIMA, DILI MANTEIN TO’O LORON 29 SETEMBRU

DILI, 22 SETEMBRU 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, Kuarta-feira ne’e partisipa iha reuniaun Konsellu Ministru ne’ebé lidera husi S. Exa, Primeiru Ministru (PM), Sr. Taur Matan Ruak, iha Palásiu Governu, Dili.

Iha Konsellu Ministrus ne’e, hafoin halo análize ba aprezentasaun kona-ba pontu situasaun epidemiolójika país nian, husi koordenadór sira Sala Situasaun Sentru Integradu Jestaun Krize (SIJK) nian, deside ona atu:

* propoin ba Sua Exelénsia, Señór Prezidente Repúblika, Sr. Francisco Guterres Lú Olo, renovasaun ba estadu emerjénsia nian, ba loron 30 tan. Ho hanoin katak kauza determinante sira ne’ebé justifika ona deklarasaun estadu emerjénsia no ninia renovasaun sira kontinua mantein, no atubele evita no neutraliza risku propagasaun sira husi variante foun SARS-CoV-2, no nune’e bele proteje saúde públika no kapasidade resposta husi Sistema Nasionál Saúde nian, Governu propoin ba Señór Prezidente Repúblika katak, ho renovasaun estadu emerjénsia nian, permite suspensaun ka restrisaun ba direitu no garantia fundamentál balun.

* aprova projetu Rezolusaun Governu nian ne’ebé mantein impozisaun serka sanitária iha munisípiu Dili to’o tuku 23:59 loron 29 fulan-setembru; Nune’e, mantein impozisaun proibisaun sirkulasaun ema sira-nian entre munisípiu Dili no sirkunskrisaun administrativa sira-seluk, exetu iha kazu hirak ne’ebé iha fundamentu forte tanba razaun seguransa públika, saúde públika, asisténsia umanitária, manutensaun ba sistema abastesimentu públiku ka razaun seluk ne’ebé presiza atu hala’o ba interese públiku nian. La inklui iha proibisaun ba sirkulasaun ida-ne’e indivíduu sira ne’ebé komprova vasinasaun kompleta (doze rua) kontra COVID-19, no mós ba labarik sira ho idade tinan 6 ne’ebé akompaña ema sira ne’e.

* hakotu impozisaun serka sanitária iha munisípiu Baukau, Ermera no Kovalima, ne’ebé remata ohin iha tuku 23:59.

* aprova projetu Rezolusaun Governu nian ne’ebé bandu organizasaun no realizasaun serimónia fúnebre iha edifísiu sira iha ne’ebé instala órgaun ka servisu administrasaun direta no indireta Estadu, iha memória funsionáriu, ajente ka traballadór sira administrasaun públika nian.

S. Exa, Vise-Primeira-Ministra no Ministra Solidariedade Sosiál no Inkluzaun, Sra. Armanda Berta dos Santos no S. Exa, Ministra Saúde, Sra. Odete Maria Freitas Belo, hanesan Prezidente no Vise-Prezidente, respetivamente, husi Komisaun Interministeriál ba Elaborasaun no Koordenasaun Ezekusaun Planu Vasinasaun kontra COVID-19, halo ona aprezentasaun ida ba Konsellu Ministrus kona-ba prosesu implementasaun no funsionamentu sertifikadu vasinasaun eletrónika nian. Sistema ne’e lansa ona, iha loron 10 fulan-juñu liubá, iha altura ida-ne’ebé halo lansamentu ba doze daruak vasinasaun kontra COVID-19 no funsiona liuhusi aplikasaun ba telemovel RSETL husi Programa Saúde Família nian. Plataforma ne’e kontein rejistu vasinasaun kontra COVID-109 nian no funsiona mós hanesan komprovativu ba realizasaun viajen husi munisípiu sira ne’ebé abranje hela iha serka sanitária.

Ikusliu, responsável sira husi Elaborasaun no Koordenasaun Ezekusaun Planu Vasinasaun kontra COVID-19 halo ona mós aprezentasaun ida kona-ba preparasaun implementasaun vasina Pfizer nian iha territóriu nasionál, ne’ebé hodi permite vasinasaun foin-sa’e sira ho idade husi tinan 12 to’o 17. Mekanizmu COVAX konfirma ona disponibilidade hodi haruka doze 100.620, ne’ebé sei to’o iha país iha tempu badak laran. Tuir planu ne’ebé aprezenta vasinasaun ne’e sei realiza iha eskola sira no alunu foin-sa’e rihun 50 sira husi 6 0 to’o 110 liseu, husi munisípiu pre-selesionadu sira, maka sei simu vasina ba dahuluk. Iha faze daruak nian sei vasina alunu sira seluk no ba foin-sa’e sira ne’ebé la rejista iha eskola sira. Doze daruak husi vasina ne’e nian sei administra ho intervalu loron 21. Preparasaun ba kondisaun nesesária armazenamentu vasina nian sei realiza iha SAMES ho apoiu tékniku no finanseiru UNICEF nian. Prepara ona prosedimentu operasionál sira, ba armazenamentu, transporte, jestaun no aplikasaun vasina nian, ne’ebé sei asegura ho apoiu tékniku husi Organizasaun Mundiál Saúde nian. Vasina Pfizer kontra COVID-19 ne’e iha efikásia 95% kontra infesaun sintomátika SARS-CoV-2 nian.

#Media_MOP

Read More