MOP ENKONTRU VIRTUÁL HO BANKU MUNDIÁL, KONTINUA DESKUTI PROSESU KONSTRUSAUN ESTRADA AITUTO-HATUBUILIKU-LETEFOHO-GLENO

MOP ENKONTRU VIRTUÁL HO BANKU MUNDIÁL, KONTINUA DESKUTI PROSESU KONSTRUSAUN ESTRADA AITUTO-HATUBUILIKU-LETEFOHO-GLENO

DILI, 10 AGOSTU 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, akompaña husi Jestór Unidade Manajementu Projetu (PMU) estrada, Sr. Sidónio da Costa Freitas, Tersa-feira ne’e iha Gabinete MOP, Kaikoli, Dili realiza enkontru virtuál ho ekipa husi Banku Mundiál kontinua deskuti kona-ba progresu ba prosesu konstrusaun estrada husi husi Gleno munisípiu Ermera nian to’o postu administrativu Letefoho no husi Letefoto to’o Aitutu, postu administrativu Hatubuiliku, munisípiu Ainaro nian.

Rekonstrusaun estrada refere sei fahe ba Lot 3, Lot 1: husi Aitutu-Hatubuiliku munisípiu Ainaro nian, Lot 2: husi Hatubuiliku to’o Letefoho no Lot 3: husi Letefoho to’o Gleno munisípiu Ermera nian, ho finansiamentu husi orsamentu impréstimu ne’ebé fornese husi Banku Mundiál.

Projetu konstrusaun estrada Aitutu-Hatubuiliku, Hatubuiliku-Letefoho no Letefoho-Gleno ne’e nia loan no dezeñu efetivu ona, bainhira dezeñu no verifikasaun hotu ona sei loke tenderizasaun, no fulan 6 iha prosesu administrativa, iha tinan 2022 bele mobiliza ba konstrusaun.

Iha enkontru virtuál ne’e, ekipa Banku Mundiál mak hanesan, Enjinéiru Senior ba Estrada/Lider ekipa tarefas ba projetu ne’e, Sr. Rodrigo Archondo-Callao, Country Representative husi Banku Mundiál ba Timor-Leste, Sr. Bernard Harborne, Espesialista Senior ba Transporte, Sra. Elena Chesheva, inklui akompaña mós husi assesór Gabinete Ministériu Obras Públikas.

#Media_MOP