Orientasaun MOP Iha Abertura Semináriu Funsaun Públika ba Dala-IV

Orientasaun MOP Iha Abertura Semináriu Funsaun Públika ba Dala-IV

Dili, Segunda, 09 Jullu 2018 : S. Exa, Ministru Obras Públikas, Arq. Salvador Eugénio Soares dos Reis Pires, akompaña husi Ministru Transporte no Komunikasaun, José Agostinho, halo abertura ba semináriu funsaun públika nian ba dala-IV iha edifísiu Ministériu Finansas, Aitarak-Laran Dili.

Semináriu ne’e ho tema ‘Fortalesimentu ba Lideransa no jestaun atu hadi’a prestasaun servisu públiku no dezemvolvimentu infraestrutura báziku iha Timor-Leste’.

Iha deskursu S. Exa, Ministru Obras Públikas, Sr. Salvador Pires, hatete administrasaun públika ne’ebé dinámika, progresiva no produtiva, só bele alkansa liuhosi formasaun profisionál ba funsionáriu no ajentes tomak.

Iha oportunidade ne’e, Sr. Ministru Obras Públikas orienta funsionáriu públiku hodi jere infraestrutura bázika ho efisiente no efikásia liuhosi pilár 3 ne’ebé fundamentu tebes mak hanesan, baze legál no prosedimentu ne’ebé klaru, vizaun kona-ba jestaun rekursu umanu ne’ebé efikás, efisente, no kontinuasaun formasaun ba funsionáriu no ajente administrasaun sira iha área jerál sira administrasaun públika, inklui área espesífika ne’ebé kada funsionáriu dezempeña.

Iha oportunidade ne’e, Sr. Ministru Obras Públikas mós hato’o agradesimentu espesiál ba funsionáriu públiku sira no ajente administrasaun públiku tomak, ba dedikasaun no esforsu ne’ebé presta ona hodi atende nesesidade públku nian. Prestasaun servisu ne’ebé di’ak husi funsionáriu públiku sira, sei kontribui ba hadi’a kualidade vida povu no nasaun nian.

 Ministériu Obras Públikas

#Media_MOP