■ MANEIRA ATU HETAN PULSA EDTL $15 BA KADA KLIENTE
DILI, 02 ABRIL 2020: S. Exa, Ministru Obras Públikas (MOP), Arq. Salvador Eugénio Soares dos Reia Pires, iha Sesta-feira ne'e asina ona Nota de Entendimentu (MoU) ho operadór Telekomunikasaun sira hanesan Timor Telekom (TT), Telemor no Telkomsél.
MoU ne'e asina ho operadór telekomunikasaun sira ne'e atu transfere pulsa EDTL ba kliente sira liuhosi Hotline ho valór $15 ba kada kliente.
Nota Informativu ba eventu Assinatura Nota IntendimentuHotline ba Subsídiu Pulsa durante Estadu Emerjénsia.
● Iha âmbitu implementasaun Decreto do Governo No.3/2020 de 28 de Março kona-ba
MEDIDAS DE EXECUÇÃO DA DECLARAÇÃO DO ESTADO DE EMERGÊNCIAEFETUADO PELO DECRETO DO PRESIDENTE DA REPÚBLICA No.29/2020, DE 27 DE MARÇO, ne'ebé temi iha artigu 26, alínea 1) kona-ba área asensiál sira, inklui área eletrisidade no alínea 2) ne'ebé fó kompeténsia ba membru Governu hodi hasai Despacho. Tamba ne'e:
● Gabinete MOP hasai Despaxu ida ho No.Ref.: 581/MOP/III/2020 kona-ba Medida de Apoioà população durante o Estado de Emergência no âmbito da enérgia elétrica e abastecimento deágua. Nune'e MOP - EDTL atribui US$15 ba kada kliente pré-pago. Totál kliente pré-pagohamutuk 160,555.
● Ohin (02/04/2020) MOP assina ona Nota de Entendimento ho Operadór tolu mak hanesan Timor Telekom,Telemor no Telkomcel. Operadór tolu ne'e sei hasai Númeru Hotline úniku husi ANC(Autoridade Nacionál de Comunicação) ba kada kliente bele haruka SMS ba númeru Hotline refere no fó sira-nia Númeru Kontadór no autamatikamente, operadór sira ne'e, sei harukaTOKEN equivalente US$15 diretamente ba kada kliente nia telemóvel.
● Objetivu fó subsídiu pulsa liuhosi Hotline operadór sira ne'e atu kontribui ba prevene Covid-19 atu hadaet ba komunidade, ho maneira lalika mai konsentra sosa pulsa iha fatin sira bain-bain durante Estadu Emerjénsia nia-laran.
● Ikus liu hato'o mós agradese wain ba Operadór tolu no Ministériu Transporte noTele komunikasaun (MTK) ne'ebé ho vontade di'ak bele fó apoiu no fasilita MOP-EDTL iha momentu difísil ida-ne'e no mós diresaun EDTL ne'ebé servisu maka'as atu halo ida-ne'e akontese hodi fasilita populasaun ka kliente sira.
MANEIRA ATU HETAN PULSA EDTL $15 BA KADA KLIENTE
Governu liuhosi Ministériu Obras Públikas (MOP) sei oferese pulsa ba kada kliente hotu ho valór US $15 hahú semana oin ho manéira hanesan tuir mai: Hakerek EDTL# Númeru Kontadór, haruka ba Númeru 12150. Númeru ne'e sei válidu ba operadór Telekomunikasaun hotu hanesan Timor Telekom, Telemor no Telkomsel.
Númeru ne'e sei válidu hahú Segunda (06/04) semana oin.
0 Comments:
Posting Komentar