DILI, 03 ABRIL 2020: Esplikasaun S. Exa, Ministru Obras Públikas (MOP), Arq. Salvador Eugénio Soares dos Reis Pires, kona-ba númeru Hotline husi operadór telekomunikasaun sira hanesan Timor-Telekom, Telemor no Telkomsel hodi transfere pulsa EDTL US $15 ba kada kliente durante periódu Estadu Emerjénsja.
Tuir mai esplikasaun Sr. Miniatru Obras Públikas ba jornalista sira hafoin asina Nota Entendimentu ho operadór telekomunikasaun sira.
Jornalista: Asina MoU ho kompania operador 3, bainhira mak hahú funsiona?
Sr. Miniatru: Sim ohin (03/04) ami asina ona akordu ho ita-nia operadores telekomunikasaun 3 no liuhosi ANC (Autoridade Nasionál Komunikasaun) S. Exa, Ministru Transporte no Komunikasaun (MTK), Sr. José Agostinho da Silva, nia despaxu ba karta ne'e haruka ba, sira fó ona númeru Hotline fiksu ida ba ami, ne'ebé tuir fonte kooperasaun EDTL (Eletrisidade Timor-Leste) ho operadór na'in 3 ne'e katak númeru Hotline ne'e bele komesa funsiona iha semana oin segunda (06/04). Nia funsionamentu númeru Hotline ne'e depois ami sei fó sai, ita-nia kliente aira hela de'it iha uma sira mensajen sira-nia númeru rejistu kontadór mai Hotline ne'e automatikamente númeru ne'e sei fó fali SMS ida ho Token ka númeru pulsa para sira ense ba kontadór.
Intensaun ida husi polítika ida-ne'e, ezensaun tarefa mak atu prevene ita-nia konsumidór sira, ita-nia populasaun sira labele konsentra iha fatin ida, fatin baibain sira hola pulsa husi vendedores sira, ida-ne'e mak ita tenta atu atinji.
Jornalista: Númeru hotline ka fiksa ne'e ami bele hatene?
Sr. Ministru: Númeru ne'e fó tiha ona mai ami 12150, ida-ne'e Segunda foin efetivu, no ita-nia komunidade sira komesa mensajen númeru kontadór prepagu ba númeru Hotline ne'e automátikamente pulsa US $15 dollar sei transfere ba sira-nia mensajen ne'e, ba fali sira no transferénsia halo dala ida de'it maske ita-nia kliente sira tenta ho númeru mobile oioin hodi haruka mensajen númeru kontadór hanesan de'it, maibé automatikamente sei fó nafatin token ne'ebé hanesan, tanba ne'e kliente ense dala ida nia sei la ense tan.
Jornalista: Karik maneira ida-ne' garantidu ga lae?, sei la hamosu preokupasaun tanba kada pesoal ida mós dalaruma sira iha númeru kontadór uza hotu?
Sr. Ministru: Ne'e depende tanba ami-nia númeru rezistu (númeru rejistu kontadór prepagu) iha ne'e hamutuk 160.555 klientes, ne'ebé sira-nia númeru rejistu no token sira ne'e ami entrega tiha ona ba sistema operadór sira, sira hatama sistema automatikamente, kuandu mensajen, nia transfere dala ida de'it.
Númeru hotline ne'ebé iha sei funsiona kliente EDTL hahú iha loron-Segunda, 06 fulan-Abril tinan 2020.
0 Comments:
Posting Komentar