DILI, 22 ABRIL 2020: S. Exa, Ministru Obras Públikas (MOP), Arq. Salvador Eugénio Soares dos Reis Pires, hatete MOP iha ona proposta subsídiu ba tékniku sira husi Diresaun Jerál Água no Saneamentu (DGAS) liuhosi Servisu Água no Saneamentu (SAS) no Diresaun Jerál Eletrisidade Timor-Leste (DG-EDTL) ne'ebé durante ne'e presta ona sira-nia servisu iha periódu Estadu Emerjénsia.
Sr. Ministru hatete, presiza fó subsídiu oituan ba tékniku sira tanba presta ona servisu no lori sira-nia-an ba risku COVID-19 nian. Aliende lori sira-nia-an ba risku, tékniku sira ne'e mós vensimentu kada fulan ka saláriu ki'ik tebes, tanba ne'e, presiza hetan netik subsídiu ruma atu ajuda tékniku sira iha situasaun Estadu Emerjénsia nian.
Tuir mai esplikasaun Sr. Ministru Obras Públikas ba jornalista hafoin partisipa reuniaun Konsellu Ministru iha loron 22 fulan-Abril 2020 iha edifísiu Ministériu Finansas:
JORNALISTA: Oinsá proposta MOP nian ba renumerasaun?
Sr. MINISTRU Ami-nia proposta mak fó subsídiu ba ami-nia tékniku sira ne'ebé presta nia servisu, ne'e inklui Água no Saneamentu no EDTL. Ohin EDTL nian foin proposta la tama mas ami husu para halo apelasaun, ohin ko'alia ho Sra Ministra Finansas ho ekipa Gabinete Primeiru Ministru nian para hatama ba lista para sira bele iha lezibilidade hetan tanba ami-nia tékniku sira ne'e sira iha nível um mak barak liu, kuitadu servisu ho $ 115 osan mensál ka saláriu, ne'ebé sira mós aposta ba risku, hanesan COVID-19 tanba sira halo atendeimentu avariasaun servisu grupu, Hanesan foin daudauk iha Vera Cruz nian ne'e iha sistema instalasaun eletrisidade problema sira ba halo atendimentu, ne'e fatin Izolamenru ou konfinamentu ba ita-nia pasiente sira ne'ebé pozitivu ho COVID-19 entaun sira iha risku hetan kontaminasaun ba buat sira ne'e.
Ha'u-nia mak ne'e, hau-nia staff sira ne'e, liuliu sira ne'ebé presta hela servisu bázikas, atendimentu avariasaun loron-loron ne'e iha estadu emerjénsia sira hetan netik subsídiu ruma.
JORNALISTA: Orsamentu hira mak parte MOP propoin?
Sr. MINISTRU: Iha ne'e ohin dekretu lei depois mak ita ko'alia fali por detallu ne'e, tanba ne'e horsida iha Konsellu Ministru sei deskuti fali.
JORNALISTA: Karik proposta ne'e rasik iha previzaun atu fó subsídiu ba ita-nia tékniku sira?
Sr. MINISTRU: Ami-nia tékniku mak tékniku ami iha lista eletrisidade pruvolta 340 pesoas, depois Água no Saeamentu 140 ida-ne'e mak ami tau hela mas horsida ami sei haree fali tanba ida-ne'e foin dekretu lei, seidauk remunerasaun kada pessoas subsídiu hira.
JORNALISTA: Orsamentu hira mak iha proposta ne'e rasik propoin ba iha COVID-19 ne'e rasik parte MOP nian?
Sr. MINISTRU: Ohin foin deskuti kona-ba dekretu lei, depois dekretu lei ne'e hetan aprovasaun, ohin aprovasaun no alterasaun sira ne'ebé mak ami husu ne'e kuandu públika ona ita bele hatama ona proposta, haruka fali tékniku sira, ita-nia diresaun jerál sira dezenvolve proposta subsídiu kada ema ne'e hira, ami sei haree.
TRNSFERÉNSIA SUBSÍDIU PULSA EDTL
JORNALISTA: Aliende ne'e, atu follow up kona-ba subsídiu prepagu ne'e, karik to'o agora kliente hira mak simu ona?
Sr. MINISTRU: Foin daudauk ikus liu kala loron tolu ka haat liubá ne'e 111 mill resin (111.558), agora lahatene hira ona. sira ne'e mak mensajen no susesu, balun la hatene mensajen mak sala karik, espasi fali númeru buat sira ne'e taun hetan error no la susesu, ne'ebé ha'u espera katak sira kontinua ho maneira ou métodu ne'ebé loos para hetan pulsa no depende balun mós iha kliente ne'ebé mak sente dehan sira la presiza sira lakohi ne'ebé ami-nia relatóriu, ami-nia intensaun ne'e hanesan ita-boot sira hatene pevene ita-nia kliente sira sai ba hamutuk iha fatin ida, depois kontribui ba distánsiamentu sosiál, seluk ne'ebé lakohi horsida ita bele haree tanba sistema iha ne'eba dizitál, ita konta de'it, ita halo kuantifika tuir númeru ne'ebé mak mensajen ho susesu.
PROGRESU REKOPERASAUN BA ESTRAGUS HUSI INUNDASAUN.
JORNALISTA: Aliende ne'e ba rekoperasaun foin daudauk inundasaun ne'e, oinsá nia progresu ne'e?
Sr. MINISTRU: Progresu kona-ba inundasaun ne'e iha segunda iha Konsellu Ministru relata katak KAFI (Konsellu Administrasaun Fundu Infraestrutura) aprova ona maibé tuir rejime jurídiku artigu 92, 94 ita tenke halo fali kualifikasaun ba projetu sira ne'ebé aprova iha KAFI ne'e sira tama kategoria emerjénsia ka lae, ida ne'ebé fó impaktu saúde públika no seguransa públika, ne'ebé ami-nia legâl haree hela ida-ne'e, balun ne'ebé tama Single Source tanba nia estadu emerjénsia ita envia ona ba CNA para dezenvolve kontratu tanba fundu ne'e mai husi fundu infraestrutura, ba sira ne'ebé mak la tama kategoria emerjénsia ita halo prosesu normál tanba nia kobertura orsamentu iha
JORNALISTA: Tama kategoria projetu emerjénsia ne'e karik projetu hira?
Sr. MINISTRU Pelumenus 21 ka 25 hanesan ne'e, ho sira seluk tan hanesan Eskola Sekundária balun ne'ebé mak ADN ho ekipa Task Force ne'ebé inklui DGAS, DGOP, ADN, DGE, MTS, ho CNA sira iha laran hotu, sira halo levantamentu dadus, ne'e primeiru faze ami halo aprovasaun depois sei haree hela ni vizibilidade tuir lei depois avansa ona tipu de aprovizionamentu ne'ebé Single Source ka ba projetu baibain.
JORNALISTA: Karik kompañia hira mak durante ne'e tékniku sira identifika ona?
Sr. MINISTRU: Kompañia sira ne'e tuir despaxu S. Exa, Primeiru Ministru nian ne'e fó kompeténsia ba ekipa Task Force, tékniku sira ne'e, sira mak fó rekomendasaun bazeia ba sira-nia rekursu, ekipamentu pezadu sira, kapasidade finanseira ne'ebé Task Force ne'e mak aprezenta lista hotu aprezenta uluk ba Konsellu Ministru mai KAFI ne'ebé hetan aprovasaun.
JORNALISTA: Karik kompañia hira mak ekipa Task Force halo ona aprezentasun?
Sr. MINISTRU: Ha'u la lemba mas tuir projetu ne'e sira fó kada projetu ne'e kompañia ida.
0 Comments:
Posting Komentar