DILI, 14 ABRIL 2020: S. Exa, Ministru Obras Públikas (MOP), Arq. Salvador Eugénio Soares dos Reis Pires, partisipa iha sorumutuk nível polítika kona-ba "Planu Resposta Ekonómiku Proteje Populasaun nia Ben Estár Durante periódu Estadu Emerjénsia kombate pandémia COVID-19, iha sala enkontru TradeInvest, Kolmera-Dili.
Objetivu husi sorumutu datoluk ne’e hodi halo diskusaun kona-ba setór ekonómiku iha Timor-Leste ne’ebé ligadu ho situasaun COVID -19.
Enkontru ne'e lidera husi S.Exa. Ministru Kordenador Asuntu Ekonómia (MKAE) Interinu Fidelis Leité Magalhães no partisipa mós husi Governadór husi Banku Sentral Timor-Leste (BCTL sigla portugues), Abrão de Vasconselhos, hodi fó hanoin kona-ba situasaun sosiál ekonómia rai-laran.
Sorumutuk ne'e partisipa husi S. Exa, Ministru Negosiu Estranjeirus no Koperasaun (MNEK), Dionísio da Costa Babo Soares, S. Exa, Ministra Edukasaun, Juventude no Desportu (MEJD), Dulce de Jesus Soares, S. Exa, Ministru Transporte no Komunikasaun (MTK), José Agustinho da Silva, S. Exa, Ministru Justisa (MJ), Manuel Cárceres da Costa, S. Exa, Ministru Ensiñu Superiór Siénsia no Kultura (MESSK), Longuinhos dos Santos, S. Exa, Ministru Administrasaun Estatál (MAE) Interinu, Abilio José Caetano, S. Exa, Ministru Agrikultura no Peskas (MAP), Joaguim José Gusmão dos Reis Martins, S. Exa, Ministra Solidaredade Sosiál no Inkluzaun (MSSI), Armanda Berta dos Santos, no S. Exa, Ministra Finansas (MF) iha Ezersísiu, Sra. Sara Lobo Brites.
Aliende partisipa husi ministru sira, partisipa mós husi S. Exa, Sekretáriu Estadu Komunikasaun Sosiál (SEKOMS), Maricio Juvinal dos Reis (Akara), S. Exa, Sekretáriu Estadu Formasaun Profesional no Empregu (SEFOPE), Julião da Silva, S. Exa, Sekretária Estadu Igualidade Jéneru no Inkluzaun (SEII), Maria José da Fonseca Monteiro de Jesus no S. Exa, Sekretáriu Estadu ba Kooperativa (SEAK), Arsénio Pereira da Silva inklui Embaisador Portugal iha Timor-Leste José Pedro Machado Vieira.
0 Comments:
Posting Komentar