DILI, 16 MARSU 2020: S. Exa, Ministru Obras Públikas (MOP), Arq. Salvador Eugénio Soares dos Reis Pires, iha Segunda-feira ne’e partisipa iha reuniuan Konsellu Ministru extraordinária ne’ebé lidera husi S. Exa, Primeiru Ministru (PM), Sr. Taur Matan Ruak, iha Palásiu Governu.
Iha reuniaun Konsellu Ministru ne’e ko’alia liu kona-ba evolusaun Korona Virus (COVID-19), nune’e Konsellu Ministru mós hasai deliberasaun hodi solisita S. Exa, Prezidente Repúblika (PR), Dr. Francisco Guterres ‘Lú Olo’ atu deklara estadu emerjénsia relasiona ho situasaun evolusaun COVID-19 ne’ebé sai preokupante iha kontinente tomak.
Aliende ne’e ko’alia mós kona-ba problema inundasaun ne’ebé akontese iha loron 13 fulan-Marsu 2020, ne’ebé afeita komunidade barak sai vítima ba inundasaun iha kapitál Dili. Analiza mós medida prevensaun ba vítimia inundasaun sira.
Konsellu Ministru mós deside loron 17 no 18 fulan-Marsu 2020 sai loron toleránsia ba funsionáriu tomak relasiona ho inundasaun hodi partisipa iha asaun limpeza iha kapitál Dili.
0 Comments:
Posting Komentar