DILI, 30 MARSU 2020 : S. Exa, Ministru Obras Públikas (MOP), Arq. Salvador Eugénio Soares dos Reis Pires, konvoka enkontru ho diresaun sira husi Diresaun Jerál Elétrisidade Timor Leste (DG-EDTL, Direitór Deparmentu Água no Sanementu (DGAS) no Xefe Departemu Informasaun no Teknólojia hodi apoiu subsídiu ba kliente EDTL no Servisu Água no Saneamentu (SAS).
Iha reuniaun ne'e, Sr. Ministru orienta tékniku sira halo prepasaun apoiu subsídiu ba kliente iha teritóriu Timor laran tomak relasiona ho situasaun Estadu Emerjénsia durante fulan ida nia-laran.
MOP hala'o nia kna'ar bazeia ba artigu 26 iha dekretu Governu ne'ebé aprova iha sábadu ne'e iha reuniaun Konsellu Ministru ne'ebé hatete katak kada Governu tutela bele fó ezensaun tarefa husi servisu públiku sira ba kliente.
Estadu Emerjénsia ne'e vigora hahú tuku 00:00 iha loron 28 fulan-Marsu 2020 to'o tuku 23:59 iha loron 26 fulan-Abril 2020 no aplika iha teritóriu nasionál tomak. Medidas sira aprovadu ona no respeitu ho limitadaun konstitusionál no kontinua ho orientasaun Organizasaun Saúde Mundiál (OMS) no hala'o iha nasaun seluk, buka hamenus kazu foun COVID-19 iha Timor-Leste.
0 Comments:
Posting Komentar