PROGRESU NO REZULTADU SERVISU MOP IHA 2019
1. ÁREA ESTRADA:
o Kontinua atu kompleta tiha estrada nasionais “ring road”.
o Kontinua rehabilita no halo manutensaun liuhosi programa Estrada Rurál nune’e selebra kontratu pakote hamutuk 68 (Rehabilitasaun 65,25 KM; Manutensaun Periódika 215,70 KM; no Manutensaun Rutina 300,10 KM).
o Estrada Nasionál, hamutuk trosu/seksaun sanulu-resin-tolu (13) ho nia naruk 419 KM, iha 2018, konsege de’it hetan progresu atuál hamutuk 36,25%, no iha tinan 2019 progresu atuál hetan hamutuk 71,39%, signifika katak ita halo servisu signifikante tebes ho taxa 35% progresu atuál.
o Iha Tinan 2019, intermus tempu exekusaun lais liu ho taxa 3,77% (iguál 40 dias) se ita kompara ho exekusaun 2018 (ne’ebé PMU sei emprega ema internsionál na’in 8, maibé iha 2019, MOP halo reforma tau Timoroan tékniku na’in 9 hodi superviziona no halo kontrolu ba kualidade trosu nasionál sira ne’e).
o Estudu no dezeñu ba Trosu Estrada Munisípiu no Urbanu (Maliana), la’o hela hamutuk trosu 12, ho naruk 247,70 KM.
o Estudu no dezeñu ba Ponte hamutuk 10 ho naruk 740 M.
o Kontinua responde ba manutensaun estrada urbana.
o Tender promove setór privadu ba konkursu ERD (Estrada Rural ba Dezenvolvimentu) partisipa no atribuidu ba kompañia, lokaliza iha kada munisípiu kompaña nain husi feto 30% no ho defisiénsia 7% sai manan nain.
o Halo ona lansamentu ba konstrusaun estrada nasionál Baukau-Vikeke ho distánsia 60KM, no Laulara-Solerema distánsia 28.5KM.
2. ÁREA BEE NO SANEAMENTU
o Forma Ekipa Task Force ba halo melloramentu Sistema bee-moos iha kapitál Dili hamutuk Zona 10, postu administrativu Atauro, Maubise (Ainaro)no Railaku (Ermera).
o Hadi’a sistema pompanisasi (Bomba) bee-moos iha fatin hamutuk 18.
o Installasaun metru kontadór bee ba uma kain hamutuk 3,241 no estabelese balkaun (counter) selu reseita bee-moos iha fatin 3 (Sentrál Kaikoli, Komoro no Kuluhun).
o Selebra kontratu installasaun projetu bee-moos hamutuk 55 pakotes.
o Selebra kontratu ba servisu Operasaun no Manutensaun ba Sistema Bee integradu Urbana, munisípiu Manatuto.
o Dezeñu Detalladu Enginaria la’o hela, ba konstrusaun Sistema bee-moos integradu iha munisípiu sira hahú iha kapitál munisípiu Baukau, Lautem, Viqueque no Same inklui kapitál Díli no mós kontinua halo sistema tratamentu Bee.
o Estudu viabilidade no planu mestri ba bee-moos iha munisípiu 6 seluk lansa iha tinan ida-ne’e.
o Kontinua konstrusaun projetu bee-moos iha munisípiu no áreas rurais.
o Halo estudu ba bee rai-okos (Ground water) kapitál Dili no bee rai-leten (surface water) ba Mota Railako no Gleno.
o Iha prosesu preparativu ba installasaun dijitál ba sistema pago (billing system).
3. ÁREA ELETRISIDADE
o Kontinua programa eletrifikasaun nasionál hodi kompleta tiha suku 77 ne’ebé seidauk hetan asesu ba eletrisidade liuhosi preparasaun dezeñu no BoQ ba Suku hamutuk 33.
o Tinan ida-ne’e, ita simu no kontinua halo Projetu Eletrifikasaun Nasionál hamutuk 192, husi númeru ne’e ita biban halo hotu 88 Projetu iha tinan ne’e no agora hela de’it projetu 116, ne’e inklui Dili no teritóriu tomak.
o Kontinua melloramentu ba sistema distribuisaun iha Díli liuliu rehabilitasaun liña distribuisaun tuan (Indonézia nian) 22 Pakote projetu ho valór kontratu hamutuk 6.830.369.44, la’o hela no progresu atinji ona 77.4%.
o Apoiu programa Dili Sidade Seguru liuhosi atividade Iluminasaun estrada.
o Desenvolve Termu de Referénsia (TOR) no Prosesu Aprovisionamentu la’o hela ba konstrusaun sub-estasaun ida iha Tibar no ida iha Aileu/Gleno.
o Selebra kontratu ba estudu viabilidade ba potensialidade dada bee husi Railaku no Gleno hodi harii baragem ida ne’ebé prodús mós enérjia ho kapasidade instalada 50 MW.
o Installasaun ba Uma-kain hamutuk 1237 ho Sistema Solar Panel ba Suku rua nulu (20).
o Installa no troka kontadór pre-pagu hamutuk unidade rihun haat nulu hatus rua (4,200) no prepara ba akizasaun kontadór pre-pagu hamutuk unidade rihun sanulu resin ida (11,000).
o Desenvolve TOR ba Sistema kombustaun ba modu produsaun enérjia.
o Prosesu preparativu ba dezenvolvimentu enérjia renovaveis (solar park) inklui iha postu administrativu Atauro.
o Prepara prosesu dizitalisasaun/sistema SKADA no implementa iha 2020
4. ÁREA HABITASAUN NO PLANEAMENTU URBANU
o Ba programa harii uma ho unidades 4,000 iha sidade Díli, Estudu Pra-visibilidade no identifikasaun sítiu kompletu ona no tama faze negosiasaun ho Parséiru Internsionál hanesan IFC no parséiru dezenvolvimentu atu dezenvolve estudu no dezeñu ho modalidade PPP (Parséiru Públiku Privadu).
o Estabelese enkuadramentu legál sira no planeamentu urbanu ba sidade Díli no munisípiu hodi promove lei tolu (3) hanesan planeamentu territoriál, Edifikasaun Urbanu, no Kualifikasaun no clasifikasaun uzo de solu.
o Estabelese akordu ho parséiru dezenvolvimento hanesan UN Habitat hodi apoiu harií planeamentu territoriál ba Dili no prosedimentu kontrolu dezenvolvimentu físiku.
o Lansa ona tender ba estudu revitalizasaun Aitarak-Laran no polu dezenvolvimentu ba Batugade no munisípiu Baukau.
5. INSTITUTU JESTAUN EKIPAMENTUS (IGE). I P
o Iha tinan 2019 kontinua fornese sira-nia asistÉnsia no servisu emerjénsia iha lokalizasaun hamutuk 57 iha teritóriu tomak.
o IGE biban fornese asisténsia iha servisu loke estrada foun hamutuk 7.6 KM, melloramentu estrada rurál/munisípiu hamutuk 67.1 KM, Servisu normalizasaun mota pruvolta 26.1 KM no servisu apoiu ba pedidu instituisaun estadu/governu no komunidade hamutuk 2.1 KM.
o Husi fornesimentu asisténsia no servisu hirak ne’e, see ita kalkula ba osan, servisu hirak ne’e sei persiza $ 6.294.739,16.
6. REFORMA INSTITUSIONÁL
o Dezenvolve Esbosu Dekretu Lei ba Transformasaun EDTL no DGAS ba empreza públika, hein aprovasaun husi Konsellu Ministru (KM).
o Kriasaun Ekipa “Task Force” iha:
- Diresaun Jerál Obras Públikas (DGOP) hodi tau-matan ba projetu konstrusaun estrada, ponte no projetu sira seluk finansiadu husi fundu impréstimu;
- Diresaun Jerál Água no Saneamentu (DGAS) hodi halo melloramentu ba fornesimentu bee-moos iha Díli no halo monitorizasaun ba projetu iha Díli no munisípiu sira.
o Introdús transparênsia iha prosesu aprovizionamentu hodi fó sai plafón presu tenderizasaun.
o Servisu preparativu transformasaun IGE IP ba Empresa Públika.
o MOP sai ona membru CoST Internsionál (Construction on Sector Transparency Initiative) no Servisu preparativu ba portál transparánsia Infrastrutura kona-ba informasaun investimentu, implementasaun no relatóriu monitorizasaun.
o Esbosu dekretu lei empretadas konkluidu no prodúz depasu Ministeriál ba padraun konstrusaun/SOP.
o Promove polítika enérjia no polítika nationál jestaun rekursu hidrikus no Abastesimentu de Água.
o Loke Tender ba projetu infrastrutura hamutuk hatus rua neen nulu (260).
7. DEZENVOLVIMENTU REKURSU HUMANUS
o Rekrutamentu pessoál tékniku ba servisu supervisaun kontrolu kualidade ba Obra sira hamutuk 50 pesoas rekrutadu iha 2019.
o MOP kontinua promove formasaun hasa’e kapasidade ba funsionáriu tékniku sira iha rai-laran no mós oportunidade lubuk ida iha rai-liur tuir akordu ne’ebé iha.***
