MOP PARTISIPA KOMEMORASAUN LORON PROKLAMASAUN BA DALA-44 IHA PALÁSIU GOVERNU

DILI, 28 NOVEMBRU 2019: S. Exa, Ministru Obras Públikas (MOP), Arq. Salvador Eugénio Soares dos Reis Pires, partisipa iha komemorasaun loron Proklamasaun Independénsia Repúblika Demokrátika Timor-Leste (RDTL) ba dala-44 (28 Novembru 1975 to'o 28 Novembru 2019) iha Palásiu Governu.

Serimonia komemorasaun ne'e prezide husi S. Exa, Prezidente Repúblika (PR), Dr. Francisco Guterre 'Lu-Olo', no téxtu proklamasaun lee husi Fundadór RDTL atuál Sekretáriu Jerál FRETILIN, Dr. Mari Bin Amude Alkatiri, no hetan partisipasaun husi S. Exa, Primeiru Ministru (PM), Sr. Taur Matan Ruak, S. Exa, Prezidente Parlamentu Nasionál (PN), Sr. Arão Noe de Jesus, S. Exa, Prezidente Tribunál Rekursu (TR), Sr. Deolindo dos Santos, eis titulár sira.

Aliende ne'e, partisipa mós husi membru Governu, deputadu sira, entidade defeza no seguransa, veteranus no komunidade iha kapitál Dili.

Iha komemorasaun ne'e Xefe Estadu agrasia kolar Ordem Timor-Leste nian ba sidadaun timoroan no estranjeiru sira, nu'udar jestu rekoñesimentu no valorizasaun husi estadu RDTL ba kontribuisaun ne'ebé halo ona iha tempu rezisténsia ba prosesu libertasaun nasionál.

#Media_MOP