MOP ASINA PLAKA INAGURASAUN BEE-MOOS BA SUKU ORLALAN

DILI, 25 NOVEMBRU 2019 : S. Exa, Ministru Obras Públikas (MOP), Arq. Salvador Eugénio Soares dos Reis Pires, asina plaka inagurasaun ba projetu konstrusaun abastesimentu Sistema Bee-Moos ba suku Orlalan, postu administrativu Laklubar, munisípiu Manatuto.

Projetu dada bee-moos ne'e hetan apoiu husi Governu Japaun liuhosi fundu asisténsia umanitária no servisu hamutuk ho fundasaun Leobalu hodi realiza projetu refere.

Entretantu Sr. Ministru sei la partisipa iha serimonia inagurasaun ba projetu refere ne'ebé sei realiza iha loron 5 fulan-Dezembru tinan 2019, tanba Sr. Ministru sei partisipa iha aprezentasaun no debate ba Orsamentu Jerál Estadu (OJE) tinan 2020 nian ne'ebé sei hala'o iha Parlamentu Nasionál (PN) hahú husi loron 2 fulan-Dezenbru 2019.


#Media_MOP