MOP ORIENTA IJE HAHÚ NORMALIZA NO HASAI SEDIMENTASAUN IHA MOTA IHA KAPITÁL DILI

MOP ORIENTA IJE HAHÚ NORMALIZA NO HASAI SEDIMENTASAUN IHA MOTA IHA KAPITÁL DILI

 

DILI, 17 SETEMBRU 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, hahú orienta ekipa Institutu Jestaun Ekipamentus (IJE) liuhosi Prezidente IJE, Sra. Hermenegilda da Costa Laurentina, hodi halo normalizasaun simultaneamente ba mota sira iha kapitál Dili liuliu iha ponte Bekussi, Maloa no My Friend-Bidau no seluk tan iha kapitál Dili hodi evita inundasaun bainhira udan-boot.

Sr. Ministru husu IJE atu antisipadamente prepara ekipamentu pezadu iha mota, no hahú servisu hasai sedimentasaun iha mota sira iha kapitál Dili tanba daudauk ne’e hahú udan.

Prezidente IJE, Sra. Hermenegilda da Costa Laurentina, afirma servisu normalizasaun ba mota sira iha kapitál Dili komesa la’o ona, husi Ai-Tahan Belar no mota ulun Maloa nian. IJE mós mobiliza ekipamentu IJE nian iha munisípiu sira hodi apoiu apoiu iha Dili no kontinua destaka ekipamentu balun iha munisípiu hodi apoiu normalizasaun iha munisípiu.

Daudauk ne’e, ekipa IJE hahú halo normalizasaun hodi hasai sedimentasaun iha mota sira iha kapitál Dili liuliu mota sira ne’ebé área sira ne’ebé iha risku ba inundasaun.

#Media_MOP