MOP ASISTE ASINATURA AKORDU FINANSÉIRA HO ADB MILLAUN $50, BA ÁREA BEE NO SANEAMENTU

MOP ASISTE ASINATURA AKORDU FINANSÉIRA HO ADB MILLAUN $50, BA ÁREA BEE NO SANEAMENTU

DILI, 06 AGOSTU 2021: S. Exa, Ministru Obras Públikas (MOP), Arq. Salvador Eugénio Soares dos Reis Pires, iha Sesta-feira ne’e asiste serimonia asinatura entre S. Exa, Ministru Finansas (MF), Sr. Rui Gomes, reprezenta Governu Timor-Leste no Diretór Misaun Banku Dezenvolvimentu Aziátiku (ADB) iha Timor-Leste, Sr. Sunil Mitra, kona-ba Akordu Kontribuisaun Finanseira ba Dahuluk iha área Bee no Saneamentu ho montante millaun $50.

Akordu kontribuisaun finanseira ne’e sei uza hodi konstrui infraestrutura Bee no Saneamentu iha sidade Lospalos munisípiu Lautém, Same munisípiu Manufahi no munisípiu Vikeke hodi fornese Bee no Saneamentu ne’ebé sustentável no inkluzivu. Kompozisaun finanseira ne’e rasik kompostu husi Empréstimu ho montante millaun $47 no Grant millaun $3. Aleinde ne’e, Estadu Timor-Leste mós sei kontribui ho montante millaun $12,5 ba konstrusaun infraestrutura bee no saneamentu ne’e. BTL EP, reprezenta MOP mak sai ajénsia ezekutadór, ne'ebé be'e iha kapital munisipiu sira inklui iha BTL, EP nia área kompetensia.

Orsamentu ba projetu konstrusaun infraestrutura Bee no Saneamentu ba munisípiu 3 ne’e ho totál hamutuk millaun $62,5, no sei fó benefísiu ba populasaun hamutuk 62.000, Aleinde ne’e, sei fó mós treinamentu kona-ba Planeamentu, Jestaun Projetu, Jestaun Patrimóniu, Operasaun no Manutensaun Bee, Jestaun Finansas no Koleksaun Tarifa ba funsionáriu lima-nulu (feto 8%) iha BTL, EP. Projetu ne’e rasik ho durasaun tinan ualu, nune’e sei kompleta iha fulan-Setembru, tinan 2028.

Serimónia asinatura ne’e asiste mós husi S. Exa, Ministra Negóiu Estranjeiru no Kooperasaun (MNEK), Sra. Adaljiza Magno, Vise-Ministru Estatál, Sr. Lino de Jesus Torrezão, inklui Diretór diresaun tutela.

#Media_MOP