PMU Atualiza Projetu Portu Baia Tibar Ba KAFI

PMU Atualiza Projetu Portu Baia Tibar Ba KAFI

Dili, 15 Novembru 2019: S. Exa, Ministru Obras Públikas (MOP), Arq. Salvador Eugénio Soares dos Reis Pires, akompaña Prezidente Konsellu Administrasaun Fundu Infraestrutura (KAFI), Sr. Agio Pereira, hanesan Ministru Planeamentu Investimentu Estratéjiku (MPIE) interino, hala’o enkontru ho Unidade Manajementu Projetu (PMU) Portu Baia Tibar, Sr. Rui Soares, ho nia ekipa hodi atualiza prosesu konstrusaun projetu Portu Baia Tibar.

Iha enkontru ne’e, PMU atualiza katak daudauk ne’e projetu konstrusaun Portu Baia Tibar atinji ona pursentu 20 (20%), inklui hato’o preokupasaun relasiona ho problema dulas fatuk iha suku Kaitehu, postu administrativu Bazartete, munisípiu Likisa.

PMU atualiza informasaun sira, nune’e Ministériu releventes bele iha koñesimentu no buka solusaun ka rezolve problema ne’ebé defikulta prosesu konstrusaun Portu Baia Tibar.

Enkontru ne’e prezidente husi S. Exa, Ministru Planemantu Investimentu Estratéjiku (MPIE) interinu, Sr. Agio Pereira, partisipa husi S. Exa, Ministru MOP, S. Exa, Ministra Finansas (MF) interina, Sra. Sara Lobo Freitas, S. Exa, Ministru Transporte no Komunikasaun (MTK), Sr. José Agostinho, inklui tékniku sira.

 Ministériu Obras Públikas

#Media_MOP