DILI, 25 MARSU 2020: S. Exa, Ministru Obras Públikas (MOP), Arq. Salvador Eugénio Soares dos Reis Pires, partisipa iha reuniaun Konsellu Ministru (KM) ne'ebé lidera husi S. Exa, Primeiru Ministru (PM), Sr. Taur Matan Ruak, iha Sentru Konvensaun Dili (CCD), Merkadu Lama, Dili.
Iha reuniaun Konsellu Ministru ne'e analiza proposta Lei Protesaun Sivíl ne'ebé aprezenta husi S. Exa, Ministru Interór (MI) iha ezersísiu, Filomeno da Pauzão de Jesus, no S. Exa, Sekretáriu Estadu Protesaun Sivíli (SEPS), Sr. Alexandrino de Araújo.
S. Exa, Sekretáriu Estadu Juventude no Desportu (SEJD), Sr. Nélio Isaac Sarmento, aprezenta proposta deliberasaun aprova husi Konsellu Ministru relasaun ho hadiamentu relasaun ho jogu depostiva ba dala-XII husi Komunidade Nasaun Lian Portugues (CPLP) ne'ebé sei realiza iha Timor-Leste iha loron 10 to'o 22 fulan-Jullu 2020, jogu ne'e kansela relasiona ho moras COVID-19 ne'ebé afeita ona ba mundu tomak.
S. Exa, Ministru Koordenadór Asuntu Ekonómika iha ezersísiu, Sr. Fidelis Manuel Leite Magalhães, aprezenta projetu rezolusaun Governu, ne'ebé aprova husi Konsellu Ministru relasiona ho polítika ba redusaun impaktu ekonómika negatovu no halo rekoperasaun ekonómika konsekuénsia husi pandémia COVID-19.
Tuir instrusaun husi S. Exa, Primeiru Ministru (PM), Sr. Taur Matan Ruak, nian ba membru Governu iha enkontru ikus ezekutivu nian ho sentidu atu inisia redusaun expresiva husi prezensa funsionáriu sira nian iha eskritóriu, aprova ona projetu rezolusaun Governu nian ba instituisaun sira atu instrui membru Governu no orgaun ezekutivu hamenus prezensaun funsionáriu sira nian iha edifísiu no kontinua halo atividade iha uma no ba edifísiu bainhira atende asuntu importante hodi asegura funsionamentu servisu iha edifísiu sira.
0 Comments:
Posting Komentar