DILI, 18 MARSU 2020: S. Exa, Ministru Obras Públikas (MOP), Arq. Salvador Eugénio Soares dos Reis Pires, aprezenta proposta deliberasaun ba Kriasaun Grupu Tékniku ne’ebé aprova iha reuniaun Konsellu Ministru (KM) iha Palásiu Governu, hodi halo traballu no aprovasaun ba medidas extraordinária sira ba rehabilitasaun zonas afeitadas husi inundasaun iha loron 13 fulan-Marsu tinan 2020. Grupu tékniku ne’e sei servisu hamutuk ho Ministériu Planeamentu no Investimentu Estratéjiku (MPIE) ho Konsellu Administrasaun husi Fundu Infraestrutura (KAFI).
Inundasaun afeta ba ponte barak iha sidade Díli nia-laran, no kauza avultadus no sasán materiál sira, no família barak mak tenke ba hela iha fatin seluk. Aprezenta mós dadus referentes ba estragus sira hotu no ba nesesidade intervensaun ho objetivu estabelese fila-fali ba mobilidade viária, no kontinua atu fornese enérjia elétrika ho seguransa no garante ba reparasaun husi sistema abastesimentu ba bee danifikadus, no importante liu hotu, mak atu hala’o servisu urjente ba limpeza drenajem, normalizasaun no desassoreamentu husi mota no konstrusaun husi moru kontensaun ne’ebé mak bele evita durante époka husi udan ne’ebé mak bele akontese fila-fali hanesan iha loron Sexta-feira liubá.
Grupu traballu ida-ne’e kompostu husi Diresaun Jerál husi Obras Públika (DGOP) ne’ebé lidera husi Diretor Jerál, no iha mós Ajénsia Dezenvolvimentu Nasionál (ADN), Diresaun Jeral Água no Saneamentu (DGAS), Institutu Jestaun Ekipamentu (IGE), I.P. no Komisaun Nasionál Aprovizionamentu (CNA). Liuhosi deliberasaun ida-ne’e, Governu aprova mós kona-ba ajudikasaun direta husi servisu iha situasaun ne’ebé krítika tebes no disponibiliza verba ida hodi bele halo faze ba despeza esensiál sira ne’e hodi bele realiza kontratasoens ne’ebé presiza ba restabelesimentu loron-loron iha Díli no iha seguransa ba sidadaun sira hotu iha fatin ne’ebé sira hela ba.
Konsellu Ministru realiza mós aprezentasaun ida husi S. Exa, Ministru Obras Públika, Sr. Salvador Soares dos Reis Pires, kona-ba proposta ba medida emerjénsia no ba rekonstrusaun sasán estragus ne’ebé kauza husi inundasaun iha loron 13 fulan-Marsu tinan 2020. Konsellu Ministru formaliza ona ofisíalmente grupu traballu/Task Force, ne’ebé mak lidera husi Diretór jerál Obras Públika (DGOP), ne’ebé koordena hela kona-ba resposta ba inundasaun no hahú ba prosedimentu nesesáriu sira. ‘Ba kontratasaun husi empreza privadas husi ajuste diretu ho modu ne’ebé iha hela kontratasaun ne’ebé mak devidamente formalizada ona no justifikada tuir termu no ba efeitus husi RJA. (Ekipa Task Force/MPIE e MOP).
Konsellu Ministru mós asiste aprezentasaun husi S. Exa, Ministru Negósiu Estranjeiru no Kooperasaun (MNEK), Sr. Dionísio Babo Soares, kona-ba ao pontu situasaun pandemia Coronavírus (COVID-19). Iha Timor-Leste até momentu ida agora ne’e seidauk eziste kazu ne’ebé mak konfirmadu husi COVID-19. Membru Governu sira mós aprezentada medidas oioin ba prevensaun no kontrolu ba Coronavírus, nomeadamente ba formasaun profisional saúde iha nasaun sira hotu, atividades ba Sensibilizasaun ba populasaun, compra de ventiladores, preparação dos locais de isolamento e dos centros hospitalares, triagem ba saúde iha postu fronteresiu sira seluk. Membru Governu sira mós debate kona-ba medidas oioin no extraordinárias ne’ebé mak sei aplika ho objetivu atu kontra moras ne’ebé mak lao hela, dependentes ba deklarasaun ba Estadu Emerjénsia. Organizasaun Mundiál Saúde nian kontabiliza até momentu ida agora ne’e 184 976 kazu ne’ebé mak konfirmadu husi Coronavírus, iha 159 nasaun, no provokadu mate 7 529 ema. Sinais no sintomas klíniku sira husi COVID-19 prinsipalmente dada iis, isin manas, mear no susar atu dada iis. Ba pasiente sira ne’ebé ho situasaun grave, no infesaun, bele kauza pneumonia no até komplikasaun ne’ebé fatal tebes.
Konsellu Ministru mós aprova Proposta Lei, ne’ebé apresenta husi S. Exa, Ministra das Finansas iha ezersísiu, Sra. Saara Lobo Brites, kona-ba Autorizasaun ba Realizasaun Transferénsia Extraordinária husi Fundu Petrolíferu. Diploma ne’e rasik, autoriza ba realizasaun husi transferénsia extraordinária ida husi Fundu Petrolíferu ba Orsamentu Jerál Estadu (OJE), ho valór 250 milhões de dólares Americanos, durante vizénsia ba rejime duo-desimál husi ezekusaun orsamentál, ho forma atu garante kondisaun finanseira ba funsionamentu Administrasaun Públika até, fulan-Outubru tinan ida-ne’e.
S. Exa, Ministru Reforma Lejizlativa no Asuntu Parlamentares (MRLAP), Sr. Fidélis Manuel Leite Magalhães, substituisaun husi Ministru Estadu Prezidénsia Konsellu Ministru, aprezenta projetu husi Dekretu-Lei, ne’ebé aprovada husi Konsellu Ministru, kona-ba sesaun husi pozisaun Kontratuál entre Entidades Públika. Dekretu-Lei ida-ne’e mai atu regula ba tranzmisaun husi pozisaun kontratuál husi ema koletiva ida no direitu públiku ba ema koletiva seluk husi direitu públiku iha ámbitu husi kontratu ho prestasaun resíproka, hanesan artigu tuir mai ne’e. Diploma ne’e rasik aplika ba kontratu públiku sira hotu ne’ebé selebra husi entidades públika sira husi Timor-Leste, no haree katak fornesimentu ba sasán, ezekusaun husi obra prestasaun husi servisu ba fins públiku.
Ministru Koordenador ba Assuntos Ekonómiku iha ezersísiu, halo mós aprezentasaun kona-ba situasaun ekonomia no reserve ba ai-han iha nasaun. Dadus sira ne’ebé aprezenta kona-ba artigu esensiál, mak hanesan foos, trigo no kombustível, indika katak existe hela reserva ne’ebé sufisiente iha territóriu nasionál ba fulan barak, sei laiha risku atu stok ne’e hotu. No mós kria hela medidas atu kombate espekulasaun husi presu no asambarkamentu husi produtu sira. Governu mós iha sei hola foos serka husi 70 mil toneladas atu aumenta ba reserve nasionál.
0 Comments:
Posting Komentar