KONSELLU MINISTRU APROVA TETU OJE 2020 HO VALÓR MILLAUN $1,492.3

DILI, 29 JUNNU 2020: S. Exa, Ministru Obras Públikas (MOP), Arq. Salvador Eugénio Soares dos Reis Pires, Segunda-feira ne'e partisipa iha reuniaun Konsellu Ministru extraordinária ne'ebé lidera husi S. Exa, Primeiru Ministru (PM), Sr. Taur Matan Ruak, iha Palásiu Governu, Dili.

Reuniaun Konsellu Miniatru ne'e aprova tetu Orsamentál ho valór dólar amerikanu millaun US $1,492.3 ba Orsamentu Jerál Estadu (OJE) tinan finanseiru 2020.

Prioridade sira ne’ebé defini ona ba OJE 2020 nian maka:

> estabilizasaun ba setór sosiál ho foka ba saúde, edukasaun, formasaun, bee no saneamentu;

> estabilizasaun ba setór ekonómiku ho foka ba promosaun investimentu ba setór privadu, kriasaun ba empregu, ba agrikultura, no ba seguransa alimentár no ba polítika makroekonómiku, reforma ba administrasaun públika, ekonomia, sistema judisiáriu no jestaun ba finansa públika.

Bazeia ba prioridade hirak ne’e, 33,8 % husi valór totál OJE sei aplika ba setór sosiál (8% ba edukasaun, 15% ba protesaun sosiál, 11% ba saúde) no 48,5% ba dezenvolvimentu ekonómiku no infraestrutura (inklui medida ba estabilizasaun ekonómika iha ámbitu KOVID-19 nian).

Membru Governu sira aprova tiha mós kalendáriu atu halo preparasaun ba OJE 2020 no 2021. Projetu husi Proposta Lei ida-ne’e sei aprova iha Konsellu MInistru iha loron-26 fulan-agostu no sei submete ba Parlamentu Nasionál hahú iha loron-15 fulan-Setenbru.

Kona fali ba kalendáriu ba OJE 2021 nian, prevé tiha katak Konsellu Ministru bele apresia Proposta lei ne’e iha loron-25 fulan-Setenbru no sei submete ba Parlamentu Nasionál to’o loron-15 fulan-Outubru.

#Media_MOP

Read More

MOP PARTISIPA IHA RETIRU MEMBRU GOVERNU BA LORON DARUAK

DILI, 27 JUNNU 2020: S. Exa, Ministru Obras Públikas (MOP), Arq. Salvador Eugénio Soares dos Reis Pires, partisipa iha retiru loron daruak entre membru Governu Konstitusionál daualu (VIII) ne'ebé prezide husi S. Exa, Primeiru Ministru (PM), Sr. Taur Matan Ruak, iha edifísiu Ministériu Finansas, Aitarak-Laran, Dili.

Iha retiru ne'e membru Governu sira asiste aprezentasaun sira hanesan tuir mai;

> Aprezentasaun husi Governadór Banku Sentral kona-ba situasaun makroekonómikas no perspetivas.

> Aprezentasaun husi reprezentates ONU/PNUD kona-ba Indikadores Dezenvolvimentu Umano Timor-leste.

> Aprezentasaun husi reprezentante Banku Mundial kona-ba Jestaun ho baze rezultados.

> Aprezentasaun husi S. Exa, Ministru Prezidénsia Konsellu Ministrus, Dr. Fidelis Manuel Leite Magalhães kona-ba Reforma Administrasaun Públika (RAP);

Ikus liu, aprezentasaun husi S. Exa, Primeiru-Ministru, Sr. Taur Matan Ruak, ne'ebé ko'alia kona-ba vizaun no missaun Governasaun no Liñas Orientasaun.

#Media_MOP

Read More

MOP ASISTE SERIMÓNIA TOMADA DE POSSE HUSI PR LÚ-OLO BA MEMBRU GOVERNU NA'IN-21

DILI, 24 JUNNU 2020: S. Exa, Ministru Obras Públikas (MOP), Arq. Salvador Eugénio Soares dos Reis Pires, asiste serimonia tomada de posse husi S. Exa, Prezidente Repúblika (PR), Sr. Francisco Guterres 'Lú-Olo' ba membru Governu hamutuk 21 hodi kompleta estrutura Governu Konstitusionál VIII nian.

Membru Governu na’in-21 ne’ebé hetan nomeasaun husi Prezidente Repúblika mak hanesan tuirmai ne’e: Vise Primeiru Ministru no Ministru Planu no Ordenamentu, Sr. José Maria dos Reis; Ministru Koordenadór Assuntus Ekonómikus, Sr. Joaquim Amaral; Ministru Negosius Estranjeirus, Sra. Adaljiza Albertina Xavier Reis Magno; Ministru Edukasaun, Juventude no Desportu, Sr. Armindo Maia; Ministru Turismu, Komérsiu no Indústria, Sr. José Lucas do Carmo da Silva; Ministru Interior, Sr. Taur Matan Ruak; Ministru Petroleu no Minerais, Sr. Víctor da Conceição Soares.

Nune'e mós, Vise-Ministru Negosius Estranjeiru no Kooperasaun, Sr. Julião da Silva; Vise-Ministru Justisa, Sr. José Edmundo Caetano; Vise-Ministru Administrasaun Estatal, Sr. Lino de Jesus Torrezão; Vise-Ministru Saúde, Sr. Bonifacio Mau Coli dos Reis; Vise-Ministru Edukasaun, Juventude no Desportu, Sr. António Guterres; Vise-Ministru Komérsiu no Indústria, Sr. Domingos Lopes Antunes; Vise Ministru Turismu Komunitária no Kulturál, Sra. Inacia da Conceição Teixeira; Vise-Ministru Agrikultura no Peskas, Sr. Abilio Xavier de Araújo; Vise-Ministru Interior, Sr. Antonino Armindo.

Aliende ne'e fó posse mós ba Sekretáriu Estadu Formasaun Profisionál no Empregu, Sr. Alarico de Rosário; Sekretáriu Estadu Kooperativas, Sr. Elizario Ferreira; Sekretáriu Estadu Peskas, Sr. Elídio de Araújo; Sekretáriu Estadu Juventude no Desportu, Sr. Abrão Saldanha; Sekretáriu Estadu Protesaun Sivil, Sr. Joaquim José Gusmão dos Reis Martins.

Serimonia tomada de posse ne'e partisipa husi S. Exa, Prezidente Parlamentu Nasionál (PN), Sr. Aniceto Guterres, S. Exa, Primeiru Ministru (PM), Sr. Taur Matan Ruak, no S. Exa, Prezidente Tribunál Rekursu (TR), Sr. Deolindo dos Santos, Xefe Estadu Maior Jenerál das F-FDTL, Maijór Jenerál, Lere Anan Timur, Komandante husi PNTL.

Aliende ne'e partisipa mós husi eis Primeiru Ministru (PM), Sr. Mari Alkatiri, membru Governu, membru Parlamentu, reprezentante korpu diplomátiku, reprezentante Igreja, reprezentante Ajénsia Internasionál, reprezentante Sosiedade Sivíl inklui eis titulár sira seluk.

ESTRUTURA GOVERNU KONSTITUSIONÁL DA-VIII (restruturadu 2020)

1. Primeiru-Ministru no Ministru Interior, Taur Matan Ruak;

2. Vise Primeira-Ministra no Ministra Solidariedade Sosiál no Inkluzaun, Armanda Berta dos Santos;

3. Vise Primeiru-Ministru no Ministru Planu Ordenamentu, José Maria dos Reis;

Ministru Sira:

4. Ministru Prezidénsia ba Konsellu Ministru, Fidélis Manuel Leite Magalhães;

5. Ministru Kordenadór ba Asuntu Ekonómiku, Joaquim Amaral;

6. Ministru Asuntu Parlamentar no Komunikasaun Sosiál, Francisco Martins da Costa Pereira Jerónimo;

7. Ministru Finansas, Frenando Hanjam;

8. Ministru Negósiu Estranjeiru no Kooperasaun, Adaljiza Albertina Xavier Reis Magno;

9. Ministru Justisa, Manuel Cárceres da Costa;

10. Ministru Administrasaun Estatal, Miguel Pereira de Carvalho;

11. Ministra Saúde, Odete Maria Freitas Belo;

12. Ministru Edukasaun Juventude no Desportu, Armindo Maia;

13. Ministru Ensinu Superior, Siénsia no Kultura, Longuinhos dos Santos;

14. Ministru ba Asuntu Kombatentes Libertasaun Nasionál; Júlio Sarmento da Costa “Meta Mali”;

15. Ministru Obras Públika, Salvador Soares dos Reis Pires;

16. Ministru Transporte no Komunikasaun, José Agustinho da Silva;

17. Ministru Turizmu, Komérsiu no Industria, José Lucas do Carmo da Silva;

18. Ministru Agrikultura no Peska, Pedro dos Reis;

19. Ministru Defeza, Filomeno da Paixão de Jesus;

20. Ministru Petróleu no Minerais, Víctor da Conceição Soares;

Vise MInistru Sira:

21. Vise-Ministru Negósiu Estranjeiru no Kooperasaun, Julião da Silva;

22. Vise-Ministra Finansas, Sara Lobo Brites;

23. Vise-Ministru Negósiu Estranjeiru no Kooperasaun, Julião da Silva;

24. Vise-Ministru Justisa, José Edmundo Caetano;

25. Vise-Ministru Administrasaun Estatal, Lino de Jesus Torrezão;

26. Vise-Ministru Saúde, Bonifácio Maukoli dos Reis;

27. Vise-Ministru Edukasaun, Juventude no Desportu; António Guterres;

28. Vise-Ministra Solidariedade Sosiál, Signi Chandrawati Verdial;

29. Vise-Ministru Obras Públika, Nicolau Lino Freitas Belo;

30. Vise-Ministru Turizmu Komunitáriu no Kultural, Inácia da Conceição Teixeira;

31. Vise-Ministru Komérsiu no Industria, Domingos Lopes Antunes;

32. Vise-Ministru Agrikultura no Peska, Abilio Xavier de Araújo;

33. Vise-Ministru Interior, António Armindo;

Sekretariu Estadu Sira:

34. Sekretáriu Estadu ba Formasaun Profisionál no Empregu, Alarico de Rosário;

35. Sekretáriu Estadu ba Kooperativa, Elizario Ferreira;

36. Sekretáriu Estadu ba Ambiente, Demétrio do Amaral de Carvalho;

37. Sekretáriu Estadu Komunikasaun Sosiál, Merício Juvinal Dos Reis “Akara”;

38. Sekretáriu Estadu ba Rai no Propriedade, Mário Ximenes;

39. Sekretáriu Estadu ba Juventude no Desportu, Abrão Saldanha;

40. Sekretáriu Estadu ba Arte no Kultura, Teófilo Caldas;

41. Sekretáriu Estadu ba Asuntu Kombatentes Libertasaun Nasionál Gil da Costa Monteiro ‘Oan Soru’;

42. Sekretáriu Estadu ba Peska, Elídio de Araújo;

43. Sekretáriu Estadu ba Protesaun Sivíl, Joaquim José Gusmão dos Reis Martins;

44. Sekretáriu Estadu ba Igualdade no Inkluzaun; Maria José da Fonseca Monteiro de Jesus.

#Media_MOP

Read More